Translation/s: English

Taliwala sa gideklarang ceasefire sa Rehimeng US-Duterte nga nagsugod niadtong Marso 19, 2020, nagpabilin pa gihapon ang presensya sa mga tropa sa Armed Forces of the Philippines sa mga probinsya sa Sarangani, Sultan Kudarat, South Cotabato ug uban pang lugar sa Far South Mindanao Region ug nagpadayon sa ilang operasyon. Nagapundo sa mga komunidad ug nagapatawag og mga tapok tapok sa masa, nga nag-unang gidili subay sa gipakanaog nga lockdown o enhanced community quarantine ug physical distancing nga mga lokal ug nasyunal nga panggamhanan.

Sa kasamtangan, naa pay presensya sa mga tropa sa AFP sa Sitio Sibayol ug Sitio Paril sa Brgy Tamadang sa Kiamba, Sitio Salian, Brgy. Sapu Masla ug Sitio Matlusi Brgy.Upper Suyan sa Malapatan, mga munisipyo sa Sarangani Province. Samtang nagpabilin pa usab sa Brgy. Lamlahak sa Lake Sebu ug Brgy. Lacunon, sa South Cotabato, Brgy.Nati ug Brgy Tinalon sa Sen.Ninoy Aquino sa Sultan Kudarat ug sa uban pang bahin sa rehiyon.

Nagpamatuod lang kini nga dili seryoso si Duterte ug ang AFP sa pagpatuman sa ilang kaugalingong ceasefire busa walay kamatuoran nga ang pagsulbad sa COVID 19 pandemic ang giatubang nila kun dili apil pa gihapon ang mga operasyon batuk sa rebolusyonaryong kalihukan. Kung seryosong pag-atubang sa COVID 19 ang giatubang Sa AFP sa kasamtangan, angayan ug hinanaling mouli pull-out ug sila sa ilang mga kampo ug mag-quarantine inay nga mag-adto sa mga komunidad ug magpatapok sa mga tao kay potential carrier man gihapon sila sa COVID 19.

Sa pikas bahin, andam sa pagpatuman sa gipakanaug nga ceasefire sa National Democratic Front of the Philippines (NDFP) ang pangrehiyunal nga kumand sa New People’s Army (NPA)-Far South Mindanao Region ug seryosong pag-atubang sa COVID 19 pandemic samtang mabinantayon usab kini sa posibleng pagpangatake ug pagpanabotahe sa AFP.

Sa kasamtangan, ginamobilisa sa NPA-FSMR ang mga kadre ug manggugubat niini, mga yunit milisya, mga masa ug kahigalaan sa rebolusyon alang sa hiniusang pag-atubang sa COVID 19. Samtang ginaobserbahan ang mga precautionary measures, ginatudluan sa mga hukbo ang katawhan kung unsa ang COVID19 ug mga pamaagi sa paglikay, pagpangita og mga alternatibong pamaagi sa proteksyon sama sa mga herbal nga tambal tungod kay wala may tabang gikan sa gobyerno ang makaabot sa ilaha hilabi sa mga naa sa mga hilit nga lugar, pagpanglimpyo sa ilang mga komunidad, ug uban pa.

Gapanawagan usab ang NPA-FSMR sa tibuok katawhan nga maghiusa alang sa pagbatuk sa COVID 19 ug nagaawhag kanila nga mahimong mabinantayon sa mga lakang sa rehimeng US-Duterte nga gamiton ang COVID19 pinaagi sa militaristang pagpatuman sa mga lockdown ug enhanced community quarantine alang sa padayong pagpanumpo sa mga batakang katungod sa katawhan ug deklarasyon sa balaod militar sa tibuok nasud sa sunod nga mga adlaw.