Itigil ang mapaminsalang malakihang pagmimina

Ipinagbabawal ng demokratikong gubyernong bayan ang operasyon ng lahat ng mga empresang mapandambong, mapaminsala sa kalikasan at kontra sa interes ng mamamayan at ng kanilang rebolusyonaryong kilusan. Tampok sa mga ito ang malalaking kumpanya sa pagmimina. Halos lahat ng mga ito ay 100% pag-aari ng mga dayuhang imperyalistang kumpanya.

Halos lahat din ng mga empresang ito ay may operasyon sa mga lugar na saklaw ng mga base ng armadong rebolusyonaryong kilusan. Malinaw ang patakaran ng rebolusyonaryong kilusan hinggil sa mga salot na empresang ito. Dapat patigilin at panagutin sila dahil sa idinudulot nilang kapinsalaan at patalsikin sila sa mga larangan, sona at baseng gerilya at sa kabuuan ng bansa. Muling inililinaw ang naturang patakaran sa harap na pagbabanta kamakailan ng malalaking dayuhang kumpanya sa pagmimina na aalis na raw sila dahil sa bumibigat na pagbubuwis sa kanila ng rebolusyonaryong kilusan. Umasta pa ang mga ito kasabay ng mga kasabwat nilang matataas na upisyal ng papet na reaksyunaryong gubyerno at hukbo na dapat itong pag-usapan sa nalalapit na muling pagbubukas ng usapang pangkapayapaan sa pagitan ng National Democratic Front of the Philippines (NDFP) at Government of the Republic of the Philippines