Likom nga dossier, kabahin sang desperado nga kampanya sang pagpanamad sa PKP kag BHB

Gregorio "Ka Roger" Rosal
Spokesperson
Communist Party of the Philippines
Oktubre 12, 2002

Ginakundenar sang Partido Komunista ng Pilipinas ang pagpalapnag sang gubyernong Macapagal-Arroyo sang isa ka �likom nga dossier� sa mga pungsod sa European Union.

Ginahangkat ko si G. Blas Ople nga ipagwa ang dossier nga ini nga ginahambal niya nga nagapamatud-an sa akusasyon nila nga �terorista�ang PKP kag BHB.

Kun matuod nga magapasa ini sa mga solundan nga hudisyal, ginahangkat sang PKP ang rehimeng Macapagal-Arroyo nga gamiton ang dossier nga ini kag magpasaka sang pormal nga kaso sa International War Crimes Tribunal nga nagabista sa mga kaso sang �war crimes� kag paglapas sa Geneva Conventions.

Ang �likom nga dossier� nga ini ang pinakaulihi lamang sa mga wala saysay nga propaganda batuk sa rebolusyonaryo nga kahublagan. Kabahin ini sang isa ka tuman ka desperadong kampanya sang pagpanamad sa BHB nga subong ginahiwat sang AFP kag rehimeng Macapagal-Arroyo. Sa kampanyang ini, pilit nga ginalaragway ang BHB nga ulamid sa krimen kag may plano nga magsabwag sang teror sa pumuluyo. Kabilang diri ang masunod nga direkta mga tiko nga propaganda nga ginpagwa sang militar sining mga nagligad nga adlaw:

(a) nga ang BHB ulamid sa pangpangbomba sadtong Oktubre 10, 2002 sa Kidapawan City, North Cotabato

(b) nga nagakuha sang pondo ang BHB sa mga operasyon sa hweteng

(k) nga may ara 150 �hit squad�nga gin-organisa ang BHB nga yara sa Metro Manila subong

(d) nga may plano nga magpalupok sang mga bomba ang BHB sa Metro Manila kag Central Luzon:

Mabaskog namon nga ginabutigan ang tanan nga ini. Ang tanan nga ini lubos nga wala basehan kag pulos himo-himo sang mga operatiba sa psywar nga wala iban yara sa utok kun indi ang pakamalainon ang BHB sa tanan nga kahigayunan kag pamaagi-bisan pa ang mga sugilanon ginahimo nila tuman kalayo na sa rason kag realidad.

Nabudlayan gid ang militar nga pato-patuon ang BHB bangud sa tuman kaayo nga rekord sang

hangaway sang banwa sa pagtib-ong sa interes sang pumuluyo kag pagseguro sa ila kaayuhan. Gani indi magdugay kag mabisto man sang pumuluyo nga lunsay kabutigan ang ginsandigan sang mga desperadong propaganda nga ginasabwag sang mga operatiba sa psywar sang AFP. ###

Back to top