Ang rehimeng Macapagal-Arroyo mismo ang nagakuha kahigayunan para sa ceasefire subong nga Paskua

Gregorio "Ka Roger" Rosal
Spokesperson
Communist Party of the Philippines
Disyembre 04, 2002

Sa masunod nga inadlaw, igaanunsyo sang pamunuan sang Partido Komunista ng Pilipinas ang desisyon sini nahanungod sa hambalanon sang unilateral nga pagdeklarar sang ceasefire subong nga Paskua.

Pareho sa mga nagtaliwan nga tuig, seryoso nga ginpamensaran sang Partido Komunista ng Pilipinas ang posibilidad sang pagdeklarar sang ceasefire sa tion sang Paskua. Sa nagligad, nagdeklara ang PKP sang ceasefire agud hatagan-dalan ang pagsaulog sang pumuluyo sa Paskua kag bilang pagsuporta sa negosasyon pangkalinungan.

Apang sa subong wala untat si Macapagal-Arroyo sa pagpanggera kontra sa pumuluyo, grabe nga pag-ikog-ikog sa iya amo kag pagtampalas sa soberanya sang pungsod kag kaayuhan sang pumuluyo. Wala interes ang rehimen nga maghatag-dalan sa malinong nga pagsaulog sang Paskua. Ang gusto lang sini mag-atake nga mag-atake, Paskua ukon indi Paskua.

Ginaatake sini ang soberanya sang pungsod. Matapos pirmahan sini ang Mutual Logistics Support Agreement (MLSA), ginahanda na ni Macapagal-Arroyo ang pagpasulod sang mas madamu pa nga tropang Amerikano sa nahaunang bahin sang magaabot nga tuig. Ang mga tropang Amerikano may plano nga isentro ang pagpakig-away sa rebolusyonaryong kahublagan.

Wala untat nga pagpang-atake militar. Base sa mga impormasyon nga nakuha namon halin sa sulod sang militar, pagahingalitan sang AFP ang posibilidad nga magdeklarar ang PKP sang ceasefire agud magdeploy sang mas madamu nga pwersa paniktik kag mas dalagku nga mga pwersa sa mga ginadudahan nila nga mga lugar nga mabaskog ang rebolusyonaryong kahublagan. Padayunon ang amo nga mga plano bisan pa nga pwede magdeklarar ang pamunuan sang AFP kag PNP sang "suspension of offensive military operations".

Hungod nga ginkuha ni Macapagal-Arroyo ang kahigayunan agud malinong nga saulogon sang pumuluyo ang Paskua kag agud mapaluntad ang signipikante nga ceasefire. Wala man lang ini sang ginapakita bisan gamay nga maayong-buot agud hatagan-dalan ang pagdeklarar sang ceasefire bisan man lang subong nga Paskua. Ginapabudlayan sini ang PKP nga magdesisyon para sa pagdeklarar sang ceasefire subong nga Paskua.###

Back to top