![]( https://philippinerevolution.nu/wp-content/uploads/2024/03/gabriela-womens-day-protest-1024x768.jpg )
Aldaw dagiti Babbai kontra iti charter change
Nagmartsa ti grupo dagiti babbai nga indauloan ti Gabriela, ken dagiti nadumaduma a demokratiko nga organisasyon, iti Aldaw ti Babbai, Marso 8, tapno iwaragawag ti panagkedked da iti charter change (chacha) ti rehimen ni Marcos, ken ti kiddaw da para iti karbengan, pagbiagan ken kinawayas. Nagmartsa da manipod España Avenue nga agturong idiay Mendiola ngem sinerraan ida dagiti pulis iti kalsada ti Morayta pay laeng. Nagisayangkat da ti programa iti sango ti Far Eastern University.
Iti programa, nangipakita ti Gabriela ti maysa nga obra a mangibagi iti “regalo” ti rehimen a Marcos kadagiti babbai nga addaan marka a chacha. Iti uneg ti kahon ket dagiti uleg a mangsimbolo ti 100% a panagtagikua ti ganggannaet, dagiti nayon a base militar ti US iti pagilian, ken ti panangpaatiddog ti turay dagiti opisyal ti estado. Ti kahon ket nabungon iti bandera ti US.
Dagiti umasping a tignay ket nairussuat kadagiti syudad ti Baguio, Calamba, Naga, Cebu, Iloilo, Bacolod ken Davao.