Makikaykaykaysa iti Partido Komunista iti Pilipinas PKP) iti naduma-duma a nailian ken demokratiko a sektor iti panangsupyat iti Reciprocal Access Agreement (RAA) a nikeddeng a mapirmaan dagiti mangibagbagi iti Japan ken gobyerno a Marcos, ita nga aldaw, segun iti mandar iti mannakibiang nga gobyerno iti imperyaista nga US.

Ti RAA, kas iti notoryus a US-Philippines Visiting Forces Agreement (VFA), ket mangted-dalan kadagiti pwersa militar iti Japan a mangibangon iti presensya da iti pagilian, a paset iti plano na a mangiposisyon kadagiti tropa iti sabali a pagilian, mangiplastar kadagiti lugan da a pangtaaw, mangirussuat kadagiti panagsanay ken panangisagana iti gubat, ken nair-irut nga igalut iti Pilipinas kadagiti alyansa-militar nga idadauloan iti US. Babaen iti RAA, palpalubusan ni Marcos ti Japan a papigsaen ti interbensyon na iti Pilipinas kasukat iti panangited kadagiti ramit militar, kasta met dagiti kari iti panagpuonan ken panangpautang, a ti kaipapanan na ket lallalo a panagdepender ti pagilian iti ganggannaet a kapital.

Pinirman ti RAA iti konteksto iti pinairteng nga operasyong militar ti Japan iti dadduma a pagilian iti bala-bala ti Quad (Quadrilateral Security Dialogue) nga idadauluan iti US ken iti dumakdakkel a paspaseten na kadagiti panagsanay ken panagsagana iti gubat. Pangpanggepen na a palawaen ti paset dagiti pwersa militar iti Japan iti agdama nga heyopolitikal nga estratehiya a diskarte, kas iti nakalanad iti US Indo-Pacific Strategy, a mangpangpanggep a lappedan ti pang-ekonomya ken pangmilitar a bileg ken impluwensya ti China. Ti RAA, iti partikular, ket mangpalpalubos iti Japan nga armaten ti Pilipinas tapno palawaen ti sakup ken impluwensya na, iti baon ti militar iti US.

Iti panangdurog ti US kadagiti naglabas a tawen, pinapigsa ken pinalawa ti Japan ti aw-awagan na a self-defense force(SDF) kas maysa a pwersa a panggubat, a nabayagen a konstitusyon iti Japan. Idur-duron ti US iti Japan nga ingato na ti badyet na para iti militar inggana 2% (manipud iti 1%) iti GDP na tapno “bumingay iti gastos” iti “pananglapped iti agresyon ti China.”

Manipud naabak daytoy iti Maikadua a Gubat iti Sangalubongan, nagbalin ti Japan kas mays a sekundaryo a kadua iti imperyalista a bileg iti US. Iti panangiduron iti Japan nga ingato ti pigsa militar na, adda iti kalkulado a risgo iti US a papigsaen ti uneg dagiti monopolyo kapitalista iti Japan nga aggangandat iti ekspansyunismo.

Iti panagpirma iti RAA itiJapan, lalo nga igalgalut iti rehimen a Marcos ti pagilian iti imperyalista nga alyansa a mannakigerra, nga idadauloan ti US, ken lalo a manglapped ti Pilipinas iti militar ken pang-ekonomya nga interes iti US ken Japan. Lallalo na a ⅚agilian nga independyente nga irupir dagiti bukod na nga interes ken tarigagay.

Iti panagpirma iti RAA, ik-ikkan dalan ni Marcos ti panagsubli iti Pilipinas dagiti pwersa militar iti imperyalista a Japan, a saan pay naan-anay a mangbigbigbig ken agilinlinteg kadagiti krimen nga inaramid dagiti soldado na idi sinakop da iti pagilian idi1942-1945, karaman dagiti Pilipina a “comfort women” nga inadipen dagiti manangsakop a Japan.