Maikling bidyo

Read this article in English

Noong Marso 2003, ginawa ng mga kasama sa Panay ang isang maikling pelikulang Panait sang Tumanduk. Sa salitang Kinaray-a, ang ibig sabihin nito ay ritwal ng mga awitin at sayaw ng mga Tumanduk para sa ulan at masaganang ani.

Tinatalakay sa mahigit 20 minutong bidyo kung paano matagumpay na napagkaisa ang mga Tumanduk sa hangganan ng Aklan-Capiz-Iloilo laban sa pangangamkam ng 3rd Infantry Division ng Philippine Army sa 33,310 ektaryang lupaing minana pa ng mga Tumanduk mula sa kanilang mga ninuno.

Binalikan nito ang epikong bayan ng Panay tungkol sa pakikihamok ni Labawdungon sa mga banyaga. Humantong ang pagsasalaysay sa pagsisimula ng gawaing pag-oorganisa ng BHB sa mga Tumanduk at kung paanong mula 1973 hanggang sa kasalukuyan ay itinuring nang katuwang ng mga Tumanduk ang BHB sa pakikibaka para bawiin ang kanilang lupang ninuno.

Patunay ng mahigpit na pagkakaisa ng mga Tumanduk at ng BHB ang pag-unlad ni Ka Bob (Ismael Giganto), mula sa pagiging kabataang aktibistang Tumanduk na nakikipaglaban para sa karapatan sa lupa ng kanilang tribo hanggang sa pagiging responsableng kadre ng Partido at Pulang kumander ng BHB. Namartir si Ka Bob sa isang matagumpay na ambus laban sa SOT ng Task Force Panay noong Pebrero 2003.

21 Hulyo 2004
Edisyong Pilipino

	Editoryal: Lumalala ang pagkakahiwalay ng rehimeng Arroyo sa mamamayan
	Tagumpay ng mamamayan ang pagpapalaya kay Angelo dela Cruz
	Pagbuwag sa rali, binatikos
	Mga kaso laban kay Palparan, ipupursige
	Lumalalang paglabag sa karapatang-tao sa Eastern Visayas
	Mga ulat koresponsal: Matagumpay na depensa ng BHB sa Northern Samar: Apat, di nagapi ng apatnapu
	Mga ulat koresponsal: Laban sa matinding militarisasyon sa Quezon
	Mga ulat koresponsal: Muling sumisibol ang rebolusyonaryong gawaing pangkultura sa Panay
	Maikling bidyo
	Sa Ibayong Dagat: Lumalakas ang pagtutol sa patakarang panlabas ng US: Sunud-sunod na dagok
	Iligal ang security barrier ng Israel
	Balita: Abusadong mga tropa, pinalalayas sa Negros
	Balita: Pagbabayad-pinsala sa mga biktima ng batas militar, binalewala ng rehimeng Arroyo
	Balita: US, binatikos sa kumperensya ukol sa AIDS