Dalawang Pahayag
Hindi tutupdin ni Estrada ang kanyang pangako

Read this article in English

ni Jose Maria Sison
Pangunahing Pampulitikang Konsultant
Negotiating Panel ng PDPP

Halaw sa pahayag noong Setyembre 13, 1998

Kaduda-duda kung totoong may balak si G. Joseph Estrada na ipatupad ang kanyang pangako na bigyangindemnipikasyon ang mga biktima ng paglabag sa karapatang-tao... Mayroong hindi kukulangin sa limang palatandaan....

Una, bilang paglabag sa Pinagsamang Deklarasyon ng The Hague, iginiit (ni Estrada) ang pagsuko ng PDPP sa konstitusyunal na balangkas ng GRP bilang kundisyon... sa pagpapatuloy ng usapang pangkapayapaan ng GRP-PDPP at pagpapatupad ng Komprehensibong Kasunduan sa Paggalang sa mga Karapatang-tao at sa Internasyunal na Makataong Batas...

Ikalawa, ibinabangga mismo ni Estrada si Robert Swift laban sa SELDA bilang lehitimong kinatawan ng mga biktima ng diktadurang Marcos...

Ikatlo, imbwelto (rin) si Estrada sa sarswela ng pamilyang Marcos kung saan urong-sulong si Imelda sa pag-alok ng benepisyo sa mga biktima ng diktadurang Marcos, at pumupostura naman si Estradang humihiling ng higit pa sa inaalok ni Imelda...

Ikaapat, nangako si Estrada na bibigyang-indemnipikasyon ang mga biktima ng Batas Militar para magpasikat at ibaling ang atensyon ng publiko mula sa iskandalosong katotohanang nababawi na ng pamilyang Marcos at ng pinakamalalaking kroni nito ang kumpiskado nilang kayamanan at muli na silang tumatamasa ng mga pribilehiyo para ibayong pagsamantalahan ang mamamayan at dambungin ang ekonomya.

Ikalima, pinanatili si Howard Dee bilang pinuno ng negotiating panel ng GRP dahil sa kanyang masamang gawi na piliting sumuko ang PDPP at ideklara ang pagbagsak at walang-taning na suspensyon ng mga pormal na pulong sa usapang pangkapayapaan ng GRP-PDPP.

Malinaw sa itinakbo ng panahon na hindi sinsero ang naging pakikitungo ng rehimeng Estrada sa PDPP. Dapat maghanda ang rebolusyonaryong mamamayan sa pag-igting ng armadong kontra-rebolusyon ng rehimeng US-Estrada. Ang rehimeng ito ay sadyang hindi makapagbibigay-katarungan sa mga biktima ng paglabag sa karapatang-tao sa ilalim ng rehimeng Marcos; bagkus ay gagawa pa ito ng ibayong paglabag sa karapatang-tao.

10 Disyembre 1998
Edisyong Pilipino

	Editoryal: Papanagutin ang GRP sa mga Obligasyon nito sa Kasunduan sa Karapatang-tao!
	Komprehensibong Kasunduan sa Paggalang sa mga Karapatang-tao at sa Internasyunal na Makataong Batas Makasaysayang Dokumento ng Pakikibaka ng Sambayanang Pilipino para sa Karapatang-tao
	Ang pasikut-sikot na daan ng usapang pangkapayapaan
	Pagtataguyod sa Rebolusyonaryong Integridad ng PDPP sa Usapang Pangkapayapaan
	Dalawang Pahayag Pahayag hinggil sa mga paghahabol kaugnay sa karapatang-tao sa ilalim ng Artikulo 5, ikatlong bahagi ng CARHRIHL
	Dalawang Pahayag Hindi tutupdin ni Estrada ang kanyang pangako