Home   CPP   NPA   NDF   Ang Bayan   KR Online   Public Info   Publications   Kultura   Specials   Photos  


 

Mga Ulat Koresponsal:
Mga tagumpay ng BHB sa Eastern Visayas

 Read this article in English

Patuloy ang pag-ani ng tagumpay ng Bagong Hukbong Bayan (BHB) sa pakikidigmang gerilya sa Eastern Visayas (EV).

Sa isang pahayag, sinabi ni Jose Sumuroy, tagapagsalita ng Efren Martires Command (EMC) ng EV, na sa sobrang desperasyon ng kaaway, palaging itinatago o kaya minamaliit nito ang mga balita hinggil sa mga opensiba at tagumpay ng BHB sa armadong pakikibaka. Nag-iimbento na lamang ang 8th ID ng sariling mga tagumpay.

Tinukoy ng EMC ang pag-ambus ng Orlan Colima Command ng BHB sa isang platun ng 52nd IB sa Amentacop, Borongan, Eastern Samar noong Mayo 5. Ni hindi umimik ang 8th ID tungkol dito, anang EMC. Dalawang sundalo ang namatay at isa ang nasugatan sa naturang pananambang. Nakumpiska rin ang isang M14, isang M16 at mga bala.

Sa kabilang banda, naglubid ng buhangin ang 8th ID nang ipangalandakan nito sa masmidya sa rehiyon na pito umanong Pulang mandirigma ang namatay nang salakayin ng mga tropa ng 20th IB ang isang kampo ng Rodante Urtal Command ng BHB sa Palanit, San Isidro, Northern Samar noong Mayo 6. Ang totoo, ani Sumuroy, maaga pa lamang ay nakaalerto na ang BHB sa presensya ng kaaway kaya nakapusisyon ito sa bentaheng lugar at nabigo ang atake ng kaaway.

Binatikos din ni Sumuroy ang kawalan ng pagsaalang-alang ng kumander ng mga pasistang tropa sa kapakanan ng kanyang mga tauhan dahil paulit-ulit niyang pinasulong ang mga ito sa kabila ng malaking bentahe ng mga Pulang mandirigma at ng dami na ng mga kaswalting natamo ng mga sundalo. Walang namatay ni nasugatan sa mga gerilya.

Ayon kay Sumuroy, nakapananaig ang BHB maging sa mga depensibang labanan dahil sa mataas na antas ng diwang mapanlaban nito, sa taglay nitong disiplinang bakal, sa pagkakabisa nito sa tereyn at sa tinatamasa nitong suporta ng masang magsasaka.

Aniya, suportado ng mamamayan ang BHB dahil alam nilang ito ang kanilang pangunahing instrumento para makamtan ang pambansa at panlipunang kalayaan at nagtataglay ito ng mataas na antas ng prinsipyo at disiplina. Sa kabilang banda, kinamumuhian ng mamamayan ang AFP dahil sa mersenaryong katangian at pasistang kahayupan nito bilang reaksyunaryong instrumento ng mga dayuhan at lokal na nagsasamantala at nang-aapi.

 


Previous articleBack to topNext article

21 Hunyo 2004
Edisyong Pilipino

Editoryal:
Lumalalang krisis pangkabuhayan
Hindi mapapanatag ang paghahari ni GMA
Pananalanta ng Pasistang Estado:
Mga kaso ng pagpatay isinampa laban sa militar
Pandaigdigang Araw ng Desaparecidos, ginunita
Panibagong anomalya sa AFP, nabunyag
Kampanyang anti-malarya ng BHB
Ang sakit na malarya
Pagpapabaya ng gubyerno
Mga Ulat Koresponsal:
Mga tagumpay ng BHB sa Eastern Visayas
Matatagumpay na Opensiba ng BHB:
50 armas nasamsam sa mga reyd ng BHB
Matatagumpay na Opensiba ng BHB:
Hepe ng pulisya sa Angat, Bulacan pinarusahan
Balita
Ang Bayan is the official news organ of the Communist Party of the Philippines issued by the CPP Central Committee. It provides news about the work of the Party as well as its analysis of and standpoint on current issues.

AB comes out fortnightly. It is published originally in Pilipino and translated into Bisaya, Ilokano, Waray, Hiligaynon and English.

Acrobat PDF files of AB are available online for downloading and offline reading printing. If you wish to receive copies of AB via email, click here.

[ HOME | CPP | NPA |NDF | Ang Bayan | KR Online |Public Info]
[Publications | Specials | Kultura | Photos]
The Philippine Revolution Web Central is maintained by the Information Bureau
of the Communist Party of the Philippines.
Click here to send your feedback.