Multo ang kahulugan.   sa lupa mo'y may nalilibing tuwing may labanan sa pusod ng bundok mong may lalim at kublihan misteryo sa minoryang sa gilid naninirahan   Isusumpa ka ng magtatangkang umahon. sa matatarik na dalisdis at rumaragasang talon kung walang yaman ang kapal ng iyong kahoy walang aangkin sa gubat mong masukal at maburol   Sa ilog at batis mo umagos ang pulang dugo at sa pagsabog ng pulbura ang kaaway ay nabigo multo ka nga sa kanila at marami kang siniphayo maging sa aming may ibinuwis ang aral mo ay titimo