Matagal mo na palang inaabang-abangan Ang muling pagbabalik ng iyong mga anak Na gabi kung maglakbay, Bumabagtas sa malalawak na bukirin ng Baggao.   Noong Mayo'y may pag-aalinlangan ang ilan Na muli kang balikan, Ngunit iyo'y pinawi mo na ngayon.   Isa kang matatag na kandungan ng digma, Kay sisigla ng iyong mamamayan Sa muling pagtunton sa landas ng pulang silangan.   Imurong, nariritong muli ang mga Pulang mandirigma, Silang kaytagal ding tatanaw-tanaw lamang Sa iyong mga pilapil at dampa.