Sariwang itlog, Walang tigil sa paglusog O kaya'y sa pagkabugok- Pasulong lang o pabulusok.   Pagbabago'y di tumutugot: Katangian niya'y sumasagot Sa kalagayang nakapalibot - -kung susulong o bubulusok.   Sa limlim ng inang manok, Pagkasisiw ay nahihinog; Maaari ring ito'y mahulog Sa pagkasira, pagkabulok,   O kaya'y maitubog Sa mainit na tubig o mantika At maging estrelyado o nilaga Para sa tapos nang matulog.   Kaya't sinumang magpupumilit Na tanging panlabas na salik Ang may pasya sa pagbabago Ay ipagpiprito ko. . .   Ng estrelyadong bato.