| (i)
Sin-o ang ngalan gani?
Piduy ong hayo ko... si Alpredo
Apelyedo?
Sonio...
�Z� ukon �S� ang puno nga letra?
Maan karan...
Ang ginagamit sa sensus ninyo?
Owa kami kaagi sensus...
Isulat ko lang sa puno nga letsa �S�, sugot ka?
Ong mayad lang ona, Ka...
(ii)
Pila na ang edad gani?
Ummm... indi magnaba sa sitenta...
Indi ka sigurado?
Indi ko madumduman hin-uno ako natawo...
Nakaabot ka tyempo-Hapon?
Nagapuroy eon ako kato...
Sin-o guya ang ara sa kwarta sadto?
Lipat ko...
(iii)
Diin ka nga lugar natawo?
Tumandok gid tamon iya...
Ang ubong?
Buhay eon nga patay...
(vi)
Diin ka nagakuha sang ginakabuhi?
Ginabuligan ako ni Seloy...
Seloy?
Ong onga ko nga agot...
May pamilya na siya?
Lima eon ong apo ko kana...
(vii)
ano ang obra ni Seloy?
Gakaingin...pamugon sa kampo****...
ano kalapad sang iya kaingin?
Makara hay, mga limang rayna...
pila ayhan ang mapatubas?
Paboran�t panahon asta Enero lang ran nga konsumo...
Anong pamugnan niya sa kampo?
Bial it kahoy, pangudal, kon ano lang...
Pila ang suhol?
Indi kaayaw it sangka reyna nga bugas...
(viii)
Ang asawa niya?
Gaobra sa tawo...
Sa sulod balay?
Kon amat hay, sa kampo man, galabada uniporme�t armi...
Pila man ang makita niya?
Kayot... para sa sabon ag agas lang...
Kada san-o siya gauli?
Kada dominggo, kon amat hay, sa ap-at ka adlaw...
Ti ang kabataan?
Dala nana ong gamay, ong iba hay ako gaalila...
(ix)
Gaiskwela ang kabataan?
Owa...malayo iya ong ekwelahan...
Diin pa kampi, hay?
Kulang-kulang it sang-adlaw kon panawon...
Paano na lang sila?
(Wala sabat, malayo ang panulok)
Paano na lang ini nga pangabuhi?
(Wala sabat, gatulok lang
sa akon armalayt).
|
