Pagbuwag sa rali, binatikos

Read this article in English

Mariing binatikos ni Kasamang Luis Jalandoni, pinuno ng negotiating panel ng National Democratic Front of the Philippines (NDFP), ang marahas na pagbuwag noong Hulyo 13 sa rali na naggigiit na agarang pauwiin sa bansa ang mga sundalong Pilipino sa Iraq. Ayon kay Jalandoni, kaduda-duda ang integridad at katapatan ng gubyernong Arroyo na ipagpatuloy ang usapang pangkapayapaan dahil sa tahasang paglabag ng mga anti-riot police sa Comprehensive Agreement on Respect for Human Rights and International Humanitarian Law (CARHRIHL). Ani Jalandoni, nilabag ng mga pulis ang Art. 2, Blg. 12 ng CARHRIHL na gumagarantiya sa malayang pamamahayag, pagsapi at pagtitipon.

Binatikos din ni Jalandoni ang rehimeng Arroyo sa pagsasapanganib ng buhay ng milyun-milyong OCW sa asal-tutang pagsuporta nito sa iligal na okupasyon ng US sa Iraq at pagpapadala roon ng mga sundalo at manggagawang Pilipino.

Pinagbabatuta at dinakip ng mga kasapi ng Western Police District ang ilang upisyal at kasapi ng Bagong Alyansang Makabayan (BAYAN) at iba pang progresibong organisasyon sa marahas na dispersal sa Plaza Miranda. Nagtamo rito ng malaking sugat sa ulo si Dr. Carol Pagaduan Araullo, ikalawang tagapangulo ng BAYAN at tagapangulo ng Plunder Watch. Kasama sa limang hinuli at ikinulong si Renato Reyes, tagapagsalita ng BAYAN.

21 Hulyo 2004
Edisyong Pilipino

	Editoryal: Lumalala ang pagkakahiwalay ng rehimeng Arroyo sa mamamayan
	Tagumpay ng mamamayan ang pagpapalaya kay Angelo dela Cruz
	Pagbuwag sa rali, binatikos
	Mga kaso laban kay Palparan, ipupursige
	Lumalalang paglabag sa karapatang-tao sa Eastern Visayas
	Mga ulat koresponsal: Matagumpay na depensa ng BHB sa Northern Samar: Apat, di nagapi ng apatnapu
	Mga ulat koresponsal: Laban sa matinding militarisasyon sa Quezon
	Mga ulat koresponsal: Muling sumisibol ang rebolusyonaryong gawaing pangkultura sa Panay
	Maikling bidyo
	Sa Ibayong Dagat: Lumalakas ang pagtutol sa patakarang panlabas ng US: Sunud-sunod na dagok
	Iligal ang security barrier ng Israel
	Balita: Abusadong mga tropa, pinalalayas sa Negros
	Balita: Pagbabayad-pinsala sa mga biktima ng batas militar, binalewala ng rehimeng Arroyo
	Balita: US, binatikos sa kumperensya ukol sa AIDS