Matatagumpay na opensiba ng BHB:
Walang pinsalang tinamo ang BHB sa engkwentro sa Pampanga at Zambales - Ka Roger

Read this article in English

Isang napakalaking kasinungalingan. Ito ang reaksyon ni Gregorio "Ka Roger" Rosal sa iniulat ng AFP na 15 Pulang mandirigma ang napatay sa engkwentro nitong Hulyo 4 sa bayan ng Sasmoan, Pampanga at 20 naman sa labanan sa Botolan, Zambales nitong Hulyo 5.

Ayon sa ulat ng Josefino Corpus Command (JCC) ng BHB sa Gitnang Luzon, walang namatay sa hanay ng mga gerilya. Ang totoo, ayon pa sa JCC, hindi bababa sa apat na sundalo ang napatay sa kaaway sa Sasmoan at pito naman ang napatay sa Botolan.

"Sa utos ng Malakanyang at ng mga upisyal ng AFP, lumikha ang militar ng higanteng kasinungalingan sa desperasyong itaas ang bumababang moral ng kanilang mga tauhan," ayon kay Ka Roger.

"Mula nang dumanas ng malalaking pagkatalo sa Samar at Compostela Valley habang walang maipagmalaki ni isang tagumpay, ang mataas na kumand ng AFP at mga tao sa propaganda ay nauwi sa pag-iimbento ng sarisaring kasinungalingan upang pagtakpan ang kanilang mga kabiguan," ani Ka Roger. "Ang paglulubid ng buhangin ay matagal nang gawi ng AFP. Katunayan, ang mga pasista ay lubos-lubos na mga sinungaling," dagdag pa niya.

07 Hulyo 2003
Edisyong Pilipino

	Editoryal: Bigwasan pa ang rehimeng Arroyo ng mga taktikal na opensiba
	Matatagumpay na opensiba ng BHB: Lumalaganap, dumadalas
	Matatagumpay na opensiba ng BHB: Walang pinsalang tinamo ang BHB sa engkwentro sa Pampanga at Zambales - Ka Roger
	Mga Ulat Koresponsal: Matagumpay na pagtatayo ng isang rebolusyonaryong unyon
	Mga Ulat Koresponsal: Mga tagumpay at mahahalagang aral mula sa welga sa Central Azucarera de Tarlac
	Mga Ulat Koresponsal: Mga pihit sa laban ng mga manggagawa sa Lepanto Mining
	Balita