Maniobrahan para sa 2004:
Alitan nina Macapagal-Arroyo at Roco, tumambad sa publiko

Read this article in English

Patuloy na binabayo ng internal na bangayan ang mabuway na paghahari ni Gloria Macapagal-Arroyo. Nitong Agosto 13, galit na nagbitiw si Raul Roco bilang kalihim ng Department of Education (DepEd) matapos ibunyag ng rehimen sa midya na pinaiimbestigahan siya ng presidente kaugnay ng mga nakasampang kaso ng korapsyon. Napahiya diumano siya nang isapubliko ito ng rehimen nang hindi siya inaabisuhan.

Ginamit ni Roco ang pagkakataon upang salagin ang mga batikos sa kanyang pamumuno, sumbatan si Macapagal-Arroyo sa kanyang pamumulitika at ipresenta ang sarili bilang "kagalang-galang" na alternatibo.

Ang mga kaso laban kay Roco ay isinampa ng unyon ng mga empleyado ng DepEd Central Office sa PAGC noon pang Hulyo 11.

Kabilang sa mga kasong isinampa laban sa kanya ang pagbubulsa sa P15-16 milyong "service fee" buwan-buwan mula Enero hanggang Hulyo 2002; pagpapagawa ng mga poster para sa pansariling propaganda gamit ang pondo ng DepEd; iligal na paghirang ng mga "konsultant"; iligal na pagsisante sa ilang mga upisyal ng DepEd at iligal na pagtatalaga ng isang drayber ng DepEd sa kanyang asawa.

Bago pa man ito, inihayag na ng unyon sa publiko at sa Malakanyang ang mga hinaing nito. Ngunit mahigit isang taong hindi pinansin ni Macapagal-Arroyo ang mga ito, lalupa�t maysala rin siya sa parehong mga kalabisan. Nitong buwan na lamang binigyang-atensyon ng rehimen ang kaso, matapos lumabas sa sarbey na isinagawa ng Ibon Foundation na tatalunin ni Roco si Macapagal-Arroyo sa pagkapresidente kung isasagawa ngayon ang halalan. Ginamit ng rehimeng Macapagal-Arroyo ang mga kaso laban kay Roco upang pwersahin siyang magbitiw, putulin ang kanyang kontrol sa pampublikong pondo at isaisantabi siya bilang nangungunang kalaban sa pulitika sa 2004.

Dahil sa mga pampulitikang maniobra ni Macapagal-Arroyo, nagsisimula na siyang mahiwalay kahit sa loob ng kanyang pangkatin. Inamin ng ilan sa kanyang mga kapartido na mapipilitan silang pumili sa pagitan nina Roco at Macapagal-Arroyo sa eleksyon sa 2004. Hindi malayong iipitin din ni Macapagal-Arroyo ang iba pang potensyal na kakumpetisyon sa loob ng kanyang partido katulad ni Sen. Loren Legarda.

Setyembre 2002
Edisyong Pilipino

	Editoryal: Labanan at biguin ang todong digma ng rehimeng US-Macapagal-Arroyo!
	All-out war ng rehimeng US-Macapagal-Arroyo: Sa utos ng imperyalismong US: All-out war laban sa rebolusyon, idineklara ng rehimen
	All-out war ng rehimeng US-Macapagal-Arroyo: PKP, BHB, ibinilang ng US sa listahan ng mga `terorista'
	All-out war ng rehimeng US-Macapagal-Arroyo: Dagdag na ayuda sa AFP, ipinangako ng US
	All-out war ng rehimeng US-Macapagal-Arroyo: Defense Policy Board, bubuuin
	All-out war ng rehimeng US-Macapagal-Arroyo: Panggigipit ng US at The Netherlands, binatikos ni Sison
	All-out war ng rehimeng US-Macapagal-Arroyo: Usapang pangkapayapaan, winawakasan na ng rehimen
	All-out war ng rehimeng US-Macapagal-Arroyo: Mga ligal na organisasyon, target din ng panunupil
	Guingona, tutol sa doktrina ng panggegera ng US
	Maniobrahan para sa 2004: Alitan nina Macapagal-Arroyo at Roco, tumambad sa publiko
	Pananalanta ng pasistang estado Ilang estadistika
	Pananalanta ng pasistang estado: Mga paglabag sa karapatang-tao(Mayo-Agosto 2002)
	Pananalanta ng pasistang estado: Sa Basilan at Zamboanga
	Pananalanta ng pasistang estado: Pinsalang hatid ng CARAT
	Kalupitan sa kamay ng Malaysia at ng rehimeng Macapagal-Arroyo
	Pang-uupat ni Bush ng gera sa Iraq, umaani ng batikos
	Isinasangkalan ng US ang weapons of mass destruction ng Iraq upang bigyang-katwiran ang panibagong digmang agresyon laban dito
	Pagmimina sa Mt. Diwalwal kinontrol na ng Malakanyang
	Balita