Reaksyunaryong Eleksyon:
Militar, RPA nangampanya laban sa mga progresibong partido

Read this article in English

Hayagang nangampanya ang militar at ang bandidong Revolutionary Proletarian Army (RPA) sa Panay at Negros laban sa Bayan Muna at iba pang progresibong partido at gayundin, laban sa mga katunggali ng mga kandidato ng rehimeng Arroyo para sa kongreso at lokal na pamahalaan.

Ilang araw bago ang eleksyon, maramihang ipinakat ang mga tropa ng 47th IB sa mga lugar na tinataya nilang malakas ang suporta ng mga progresibong partido, laluna sa Iloilo. Hayagang nangampanya sa mga lugar na ito sina Maj. Oscar Lasangue, hepe ng AFP Civil Relations Group at Capt. Leon Marquez ng 47th IB laban sa mga progresibo. Bago ito, iniulat na aktibong nangangampanya ang RPA laban sa Bayan Muna at para sa Alab Katipunan na tumatakbo rin sa eleksyong party-list bilang isang prenteng organisasyon ng RPA. Noon namang Marso, kasa-kasama ng militar ang mga kasapi ng anti-komunistang Alliance for Nationalism and Democracy (ANAD) sa pagpapaskil ng mga poster at pamamahagi ng mga polyeto laban sa Bayan Muna at iba pang progresibong partido.

Mula Mayo 7 hanggang 11, naglunsad ng malawakang operasyong militar ang 11th IB, 12th IB at 61st IB katulong ang RPA at dalawang prubinsyal na kumand ng PNP. Pangunahin nilang kinonsentrahan ang ikalimang distrito ng Negros Occidental para pigilin ang pagboto ng mamamayan sa mga progresibong partido at pilitin silang bumoto kay Ignacio �Iggy� Arroyo, bayaw ni Gloria Arroyo.

21 Mayo 2004
Edisyong Pilipino

	Editoryal: Malawakan ang karahasan at pandaraya sa nagdaang eleksyon
	Reaksyunaryong Eleksyon: Panununog sa Isabela, kinundena ng BHB
	Reaksyunaryong Eleksyon: AFP ang may kagagawan ng karahasan, pandaraya sa eleksyon �- NDF-Eastern Visayas
	Reaksyunaryong Eleksyon: Karahasan sa eleksyon, itinala ng NDF-Mindanao
	Reaksyunaryong Eleksyon: Militar, RPA nangampanya laban sa mga progresibong partido
	Gubyerno at mamamayan ng Pilipinas, baon sa utang
	Walang katapusang pangungutang
	World Bank, palabigasan ng pinakamalalaking imperyalistang korporasyon
	Mga Ulat Koresponsal: Ka Boyet, mahusay na rebolusyonaryong kadre at kumander
	Sa Ibayong Dagat: Ang makasaysayang Labanan sa Dien Bien Phu
	Sa Ibayong Dagat: Cuba, naghahanda sa pagsalakay ng US
	Balita