![]() | |||||||||||||||||||||||
|
|
![]() Tanda ng katindihan ng krisis ng naghaharing sistema at lumalalang pampulitikang desperasyon ng rehimeng Arroyo, tumitindi ang karahasan ng estado laban sa mga lider ng mga patriyotiko at demokratikong organisasyon ng mamamayan. Hangarin ng mga pagpaslang na ito ang palaganapin ang takot at patahimikin ang nagngangalit na mamamayan. Mula Enero hanggang Marso, 26 nang upisyal ng Bayan Muna at iba pang progresibong organisasyon sa iba�t ibang prubinsya sa kapuluan ang pinaslang, 18 sa kanila nito lamang huling dalawang linggo. Lahat ng mga biktima ay kilalang tagapagtaguyod ng interes at iba�t ibang laban ng mamamayan. Kabilang dito sina Konsehal Abelardo Ladera at Fr. William Tadena, masusugid na tagasuporta ng makatarungang welga ng mga manggagawa at manggagawang bukid sa Hacienda Luisita; at si Atty. Filideto Dacut na puspusang lumaban sa karumal-dumal na mga kaso ng karahasang militar sa Eastern Visayas. Ang mga pinaslang ay kumatawan sa matindi nang disgusto ng naghihikahos na mamamayan sa rehimeng US-Arroyo. Nanguna sila sa paggigiit ng karagdagang sahod at tunay na reporma sa lupa, paglaban sa pang-aabusong militar, pagpigil sa walang awat na pagtataas ng presyo ng langis at iba pang batayang bilihin at serbisyo, pagtutol sa mga bagong pasaning buwis at sa pananawagan na patalsikin na si Gloria Arroyo mula sa poder. Kaya gayon na lamang ang bagsik ng tugon ng rehimen. Taliwas sa inaasahan ni Arroyo, ang dumaraming kaso ng armadong pagsupil sa mga progresibo at militanteng organisasyon ay lalo pang nakapagpalawak sa simpatya at suporta ng mas maraming panggitnang pwersa tulad ng simbahan, masmidya, mga guro, mga upisyal ng gubyerno sa lokal at pambansang antas at maging ng mga pwersa sa ibayong dagat. Sa halip na matakot, nagngangalit ang mamamayan at sumisigaw ng katarungan. Tanging ang pasista at reaksyunaryong sandatahang lakas at ang ayuda at interbensyong militar ng US na lamang ang sinasandigan ng lubha nang nahihiwalay na rehimeng Arroyo. Ang pandarahas ng rehimeng Arroyo sa lumalabang mamamayan ay lalong nagpapatingkad sa pagkamakatarungan ng kanilang mga hinaing at pakikibaka. Wasto lamang na lalong paigtingin ang kanilang mga pakikibaka at iugnay ang kanilang mga sigaw laban sa imperyalismo, pyudalismo at burukratang kapitalismo sa tumitinding mga pasistang atake ng rehimeng Arroyo laban sa mamamayan at sa kanilang panawagan at laban para ibagsak ang pahirap na rehimen. Kasabay nito, napakahalagang gagapin ang importanteng aral na itinuturo ng rehimeng Arroyo: kailanman ay hindi kusang bibitiwan ng naghaharing uri ang kanilang mga pribilehiyo upang mabigyan ng kahit kaunti at kagyat na kaluwagan ang mga naghihikahos. Kung kaya sa pagsusulong ng kanilang mga laban, sadyang haharapin nila ang lalo pang mga pasakit at sakripisyo. Kailangang pag-ibayuhin nila ang kanilang tapang, paninindigan at militansya. Sa harap ng mga hakbangin ng rehimeng Arroyo tungo sa lantarang pasistang paghahari, kabilang ang pagtutulak na isabatas ang Anti-Terrorism Bill, wastong magpursigi ang mga militante at progresibong organisasyon sa paggigiit ng kanilang mga karapatang sibil at pampulitika at igiit ang karapatang ipaglaban ang kanilang mga hinaing sa ligal na paraan. Pinakamatibay nilang kalasag ang kawastuan ng kanilang ipinaglalaban at ang organisadong lakas ng mamamayan. Isang malawak na anti-pasistang prente na katulad ng nagpabagsak sa diktadurang Marcos ang maaaring umusbong mula sa paglabang ito. Mas mahalaga pang aral na itinuturo ng rehimeng Arroyo na tanging ang rebolusyonaryong armadong pakikibaka ang makapagpapabagsak sa reaksyunaryong armadong paghahari at lubusang tutugon sa mga hinaing ng naghihirap na mamamayan. Sa sitwasyong ito, wastong paigtingin ng Bagong Hukbong Bayan (BHB) ang rebolusyonaryong armadong pakikibaka. Sa paghahari ng terorismo ng estado, napakainam ang sitwasyon upang lalo pang pabilisin ang rekrutment sa BHB at paigtingin ang mga taktikal na opensiba laban sa mga armadong tauhan ng estado. Partikular na target ng BHB ang mga pasistang tropa na responsable sa mga pamamaslang at iba pang pang-aabuso sa mamamayan. Inilulunsad ng BHB ang gayong mga opensiba sa mga sonang gerilya upang pahinain at ilayo ang mga pasistang AFP at PNP mula sa mga sentro ng ligal na pakikibakang masa. Sa pamamagitan ng mga taktikal na opensiba at iba pang aksyong militar ng BHB, unti-unting napahihina ang rehimeng Arroyo at armadong haligi nito at naigagawad ang katarungan sa mga may kagagawan ng mga pasistang kahayupan sa mamamayan. Ang bawat isang opensiba, maliit man o malaki, ay ambag sa pangkalahatang layuning wakasan ang papet at anti-mamamayang rehimeng Arroyo. ![]()
| ||||||||
|
[ HOME | CPP | NPA |NDF | Ang Bayan | KR Online |Public Info] [Publications | Specials | Kultura | Photos] The Philippine Revolution Web Central is maintained by the Information Bureau of the Communist Party of the Philippines. Click here to send your feedback. |
|