Mga asasinasyong pulitikal, tatak ng US

Read this article in English

Ang mga asasinasyong pulitikal ay tatak ng maruruming operasyon ng imperyalismong US sa mga kontra-rebolusyonaryong digma nito. Nang maglunsad ito ng digma laban sa mamamayan ng Vietnam noong 1964-75, inilunsad rin ng Central Intelligence Agencey (CIA) ang tinaguriang Operation Phoenix, isang malawakang kampanya ng mga pampulitikang asasinasyon.

Nagmantine ang militar ng US ng listahan ng mga target ng pagpaslang, pangunahin na ang mga personaheng may impluwensya o malaking papel sa rebolusyonaryong paglaban ng Partido Komunista ng Vietnam, Hukbong Bayan at National Liberation Front (o Viet Cong). Sa panahong 1968-1971, mahigit 40,000 ang pinatay sa ilalim ng Operation Phoenix.

Ang pagtindi ngayon ng pamamaslang sa mga lider at kasapi ng mga progresibong organisasyon sa Pilipinas ay walang dudang hinalaw ng Armed Forces of the Philippines (AFP) sa mga doktrinang turo ng CIA, kundi man tuwirang itinuro ng militar ng US sa pamamagitan ng mga lihim na operatiba at "military advisers" nito na nakapwesto sa iba't ibang kampo ng AFP sa buong bansa.

Kamakailan lamang, nalantad na may mahigit 70 upisyal at operatiba ng militar ng US na kumikilos sa Pilipinas.

21 Marso 2005
Edisyong Pilipino

	Editoryal: Labanan ang terorismo ng rehimeng US-Arroyo
	Sunud-sunod na pandarahas sa mga lider ng ligal na demokratikong kilusan
	Palparan, naghahasik na ng pasistang dahas sa Eastern Visayas
	Mga asasinasyong pulitikal, tatak ng US
	Matagumpay na pagbubuo ng balangay ng PKM
	Karanasan sa Nueva Ecija: Paglutas sa mga usapin sa hanay ng mamamayan
	Pagbubuntis sa loob ng hukbong bayan
	Imperyalistang pagtotroso at pagmimina, lalabanan
	Rubout sa Bicutan
	Presyo ng langis, sunud-sunod ang pagtaas
	Balita