Inosente ang karamihan

Read this article in English

Sa mahigit 400 bilanggo sa Camp Bagong Diwa, 129 ang suspetsadong kasapi ng Abu Sayyaf. Pitumpu't tatlo (73) sa 129 ay inosente at iligal na inaresto sa Basilan noong 2001 nang ideklara ni Pres. Gloria Arroyo ang "state of lawlessness" sa lugar.

Noong Hulyo 26, 2001, naglabas ng memorandum ang Commission on Human Rights na nagsasabing pawang mga sibilyan ang 73 at iligal ang pang-aaresto sa kanila. Idineklara ring iligal ang pang-aaresto sa imbestigasyong isinagawa ng Kongreso at Senado. Subalit hanggang sa kasalukuyan ay nakapiit pa rin ang Basilan 73.

Katawa-tawa ang dahilan ng militar sa pagdakip sa Basilan 73. Isang halimbawa ang halos pagkakapareho ng kanilang pangalan sa mga kilalang kasapi ng Abu Sayyaf. Halimbawa, hinuli ang inosenteng si Abdulla Yusuf dahil ayon sa militar siya raw si Abdula Mulong na myembro umano ng Abu Sayyaf.

Maraming iba pang inosenteng nadagdag sa 73. Kabilang sa kanila ang ilang menor-de-edad. Isa sa kanila ang nawala sa tamang pag-iisip bunga ng tortyur na naranasan sa kamay ng militar.

07 Abril 2005
Edisyong Pilipino

	Editoryal: Naghuhukay ng sariling libingan ang rehimeng US-Arroyo
	Pananalanta ng Pasistang Estado: Lumalawak ang paglaban sa mga pasistang krimen ng rehimeng US-Arroyo
	Pananalanta ng Pasistang Estado: Pagpaslang kay Esperat, iimbestigahan ng BHB
	Mga karumal-dumal na detalye ng masaker sa Camp Bagong Diwa
	Inosente ang karamihan
	Paul Wolfowitz, alagad ng neo-konserbatismo sa World Bank
	Pakikialam ng US sa Kyrgyzstan
	Balita