Mga Ulat Koresponsal: Paglilinaw hinggil sa kalagayan ng mga bihag ng digma sa Dulong Timog Mindanao

Read this article in English

Tiniyak ng Valentin Palamine Command (VPC) ng BHB-Dulong Timog Mindanao na mahusay ang kalagayan ng mga bihag ng digmang sina Sgt. Jeremias Rosete Jr., Pepito Simbulan, Wilfredo Maldecir at Herminia Sorongon Maldecir. Ang mga ito ay inaresto noong Setyembre 4 sa Barangay Lam-alis, Columbio, Sultan Kudarat sa aktong pang-eespiya laban sa rebolusyonaryong kilusan.

Ayon kay Ka Dencio Madrigal, kumander ng VPC, ang apat na bihag ay may hinaharap na kasong paglabag sa mga pandaigdigang alituntunin ng digma.

Tinitiyak ng VPC na ang proseso ng paglilitis sa mga bihag ay naaayon sa mga ligal at hudisyal na sistema't proseso ng Demokratikong Gubyernong Bayan at mga probisyon ng Comprehensive Agreement on Respect for Human Rights and International Humanitarian Law (CARHRIHL). Tinatamasa nila ang makataong pagtrato at dumadaan sa karampatang proseso ng paglilitis. Pinagsisikapan din ng mga kasama na bigyang-atensyon ang mga partikular na pangangailangang medikal ni Sgt. Rosete.

Sa kasalukuyan, pinaghahandaan na ng NDFP negotiating panel ang pagpapalaya sa apat na bihag matapos makatanggap ng kahilingan para rito mula sa GRP noong Nobyembre.

Inilantad rin ng VPC ang pag-igting ng mga operasyong militar ng AFP sa Dulong Timog Mindanao, laluna sa walong bayang sakop ng Western Mining Corporation na kinikilusan din ng rebolusyonaryong pwersa. Dahil dito, dalawang beses nang napaengkwentro ang pwersang nangangalaga sa mga bihag. Iginiit ni Ka Madrigal ang pagpapatigil ng mga ito upang di malagay sa peligro ang buhay ng mga bihag ng digma at iwasang maulit ang sinapit ng dating bihag ng digma na si P/CI Abelardo Martin noong Marso 8 sa Timog Katagalugan.

Disyembre 2001
Edisyong Pilipino

	Editoryal: Isang taon ng pagpapahirap at pagmamalupit sa mamamayan
	National Socio-Economic Summit: Higit pang pasismo at pagtatali ng Pilipinas sa neokolonyalismo [Lumulubhang Krisis sa Ekonomiya]
	Special Purpose Assets Vehicle: Pagsagad sa neokolonyal na katayuan ng Pilipinas [Lumulubhang Krisis sa Ekonomiya]
	Pambansang badyet para sa 2002: Pondo para sa pasismo at pagpapakatuta [Lumulubhang Krisis sa Ekonomiya]
	Krisis sa ekonomya: Ilang mahahalagang datos [Lumulubhang Krisis sa Ekonomiya]
	Ang salamangka sa datos sa disempleyo [Lumulubhang Krisis sa Ekonomiya]
	Resesyon sa US, Japan at Germany: Krisis sa mga sentro ng kapitalismo [Lumulubhang Krisis sa Ekonomiya]
	Danding Cojuangco namamayagpag pa rin: Nakapamamayagpag pa rin si Danding sa ilalim ng rehimeng Macapagal-Arroyo
	Kasunduang SMC-Kirin: Maniobra para konsolidahin ang kontrol ni Danding sa SMC
	Pinakamalaki sa kasaysayan ng papet na republika: Danding, nangangamkam ng lupa sa Isabela
	Mga Ulat Koresponsal: Rebolusyong agraryo, umaani ng tagumpay sa Isabela
	Mga Ulat Koresponsal: Ka Haren at Ka Baste: Rebolusyonaryong kagitingan sa harap ng kaaway
	Mga Ulat Koresponsal: Paglilinaw hinggil sa kalagayan ng mga bihag ng digma sa Dulong Timog Mindanao
	Pananalanta ng pasistang estado: Labing-isang buwang kalbaryo ng militarisasyon sa kanayunan
	Sa suporta ng imperyalismong US: Pinaiigting ang pananalakay ng Israel sa mamamayang Palestino
	Bunsod ng napakalubhang krisis: Pag-aalsa, sumiklab sa Argentina
	Balita