Pang-uupat ni Bush ng gera sa Iraq, umaani ng batikos

Read this article in English

Hindi maituluy-tuloy ni Pres. George W. Bush ng US ang kagyat na pag-atake sa Iraq, isa sa mga bansang itinuturing nitong bahagi ng "axis of evil". Dulot ng kabi-kabilang batikos, napilitan si Bush na magdeklara nitong Agosto 10 na wala itong "napipintong planong pandigma".

Gayunpaman, hindi tumitigil ang pang-uupat at pagpopostura ng mga militarista sa kanyang gabinete � ang paksyong pinakamalapit sa kanya at nagtataguyod ng kanyang mga patakaran. Hindi rin nito iniaatras ang posibilidad ng paglulunsad ng US ng digmang agresyon laban sa Iraq sa hinaharap.

Walang maibigay na sapat na dahilan ang US upang digmain ang Iraq. Noong 1991, ginamit ng US ang pagsalakay ng Iraq sa Kuwait upang bigyang-katwiran ang inilunsad nitong digma. Ngayon, kung anu-ano nang dahilan ang inimbento ni Bush at mga kapwa militarista upang bigyang-katwiran ang binabalak na panibagong pagsalakay sa Iraq. Nariyan ang pagsasabing gumagawa at nagpaparami ang Iraq ng weapons of mass destruction (mga armas na may kakayahang pumuksa ng malaking bilang ng tao), ang "demonyong" katauhan ni Pres. Saddam Hussein ng Iraq at ang paulit-ulit na pag-uugnay ng Iraq sa al Qaida. Nitong huli, pinalalaganap ng militar ng US ang balitang itinatago at kinakanlong umano ng Iraq ang ilang myembro ng al Qaida.

Sa harap nito, patuloy na tumatangging magbigay ng suporta ang pinakamahahalagang alyado ng US sa Middle East. Tumatanggi ang Saudi Arabia na gamitin ng US ang kanilang lupain bilang lunsaran ng digma. Mas aktibo naman ang Jordan sa paghimok ng pagtutol sa mga planong militar ng US.

Gayundin, umaalma ang mga alyado nito sa Europe. Pinakamaingay si Chancellor Gerard Schroeder ng Germany. Direktang nagbabala si Schroeder na wawasakin ng mga planong pandigma ng US ang internasyunal na koalisyong "kontra-terorismo" at magdudulot lamang ito ng walang kapantay na kaguluhan sa Middle East. Hindi man maingay si Prime Minister Tony Blair ng United Kingdom na siyang pinakatapat na tagasunod ni Bush, hindi nito maiwasan ang pagbatikos at presyur mula sa sariling parlamento. Sa loob mismo ng US, hindi sumasang-ayon ang ilang mga mambabatas sa kongreso at senado at maging ang ilang mga tauhan sa loob ng gabineteng Bush. Binabatikos at tinututulan rin ito ng United Nations.

Ang lahat ng direkta at di direktang banta ng US ay matatag na hinaharap ng Iraq. Tinitiyak ng mamamayang Iraqi na puspusan nilang lalabanan ang digmang agresyon ng US at tiyak itong mabibigo, katulad ng pagkabigo ng Operation Desert Storm noong 1991. Ayon kay Saddam Hussein, kung sasalakayin ng US ang Iraq, "papasanin ng mga pwersa ng kasamaan ang kanilang mga kabaong tungo sa kahiya-hiyang kabiguan."

Setyembre 2002
Edisyong Pilipino

	Editoryal: Labanan at biguin ang todong digma ng rehimeng US-Macapagal-Arroyo!
	All-out war ng rehimeng US-Macapagal-Arroyo: Sa utos ng imperyalismong US: All-out war laban sa rebolusyon, idineklara ng rehimen
	All-out war ng rehimeng US-Macapagal-Arroyo: PKP, BHB, ibinilang ng US sa listahan ng mga `terorista'
	All-out war ng rehimeng US-Macapagal-Arroyo: Dagdag na ayuda sa AFP, ipinangako ng US
	All-out war ng rehimeng US-Macapagal-Arroyo: Defense Policy Board, bubuuin
	All-out war ng rehimeng US-Macapagal-Arroyo: Panggigipit ng US at The Netherlands, binatikos ni Sison
	All-out war ng rehimeng US-Macapagal-Arroyo: Usapang pangkapayapaan, winawakasan na ng rehimen
	All-out war ng rehimeng US-Macapagal-Arroyo: Mga ligal na organisasyon, target din ng panunupil
	Guingona, tutol sa doktrina ng panggegera ng US
	Maniobrahan para sa 2004: Alitan nina Macapagal-Arroyo at Roco, tumambad sa publiko
	Pananalanta ng pasistang estado Ilang estadistika
	Pananalanta ng pasistang estado: Mga paglabag sa karapatang-tao(Mayo-Agosto 2002)
	Pananalanta ng pasistang estado: Sa Basilan at Zamboanga
	Pananalanta ng pasistang estado: Pinsalang hatid ng CARAT
	Kalupitan sa kamay ng Malaysia at ng rehimeng Macapagal-Arroyo
	Pang-uupat ni Bush ng gera sa Iraq, umaani ng batikos
	Isinasangkalan ng US ang weapons of mass destruction ng Iraq upang bigyang-katwiran ang panibagong digmang agresyon laban dito
	Pagmimina sa Mt. Diwalwal kinontrol na ng Malakanyang
	Balita