Sa Ibayong Dagat:
Dambuhalang propagandista ng imperyalismo

Read this article in English

Ilang malalaking kumpanyang masmidya sa US ang walang kahihiyang nagsisilbing tagapagsalita ng militaristang gubyernong Bush

Sa parehong pagkakataon, mahusay na nagamit ng Pentagon at Central Intelligence Agency (CIA) ang malalaking media network na ito � mula telebisyon at radyo hanggang dyaryo at internet � bilang katuwang sa pagpapalaganap ng sarisaring disimpormasyon at hakahaka at "linisin" (sanitize) ang parusang dala ng imperyalistang gera sa buhay at kabuhayan ng mamamayang Iraqi.

Ang mga reporter na embedded o nakasanib sa mga yunit-militar ng US ay nagsilbing mga tagapagsalita ng naturang mga yunit. Sa pamamagitan nila, sinalamin ng 24 oras araw-araw na coverage ng mga dambuhalang media outlet ang kalkuladong propaganda ng CIA at Pentagon. Pinalakpakan ng Fox News, CNN at MSNBC ang bawat maliit na aksyon ng mga sundalong Amerikano sa Iraq at nilimita ang pag-uulat sa mga opinyon at pangyayaring sumasalungat sa upisyal na bersyon ng CIA at Pentagon. Naging daluyan ang mga ito ng pinakamasasahol na porma ng propaganda ng CIA at Pentagon, kabilang ang mga mala-pelikulang iskrip at palabas (Tingnan ang kaugnay na artikulo).

Sa kabilang banda, ginamit ng mga media network ang kanilang "matalik" na relasyon sa mga tropang Amerikano upang tuluy-tuloy na magpalabas ng mga footage na sensationalized at ngayon lamang makikita kaugnay ng mga piling pangyayari at pahayag ng mga upisyal-militar sa pag-asang makalamang sa kani-kanilang mga karibal at makaakit ng mas marami pang manonood at mambabasang walang kamalay-malay.

07 Hunyo 2003
Edisyong Pilipino

	Editoryal: Ibayong inaarmasan ng US ang rehimeng Arroyo
	Mas malaking palagiang presensyang militar, itinutulak ng US
	Sa kabila ng tigil-putukan: Patuloy ang atake ng AFP sa MILF
	Mga Ulat Koresponsal: Mga tagumpay sa rebolusyong agraryo, inaani sa Samar
	Sa Ibayong Dagat: Kasinungalingan sa likod ng gera sa Iraq
	Sa Ibayong Dagat: Bagong planong nukleyar ni Bush
	Sa Ibayong Dagat: Dambuhalang propagandista ng imperyalismo
	Sa Ibayong Dagat: Mga sundalong British, nantortyur ng mga Iraqi
	Sa Ibayong Dagat: Parang pelikulang Rambo
	Balita