Iligal ang security barrier ng Israel

Read this article in English

UMANI rin kamakailan ng kabiguan sa pandaigdigang korte ang gubyerno ng Israel, na pangunahing alyado ng US at katuwang nito sa pagpapatupad ng imperyalistang agresyon sa Middle East. Idineklara ng International Court of Justice (ICJ) nitong Hulyo 9 na iligal ang pagtatayo ng "security barrier" ng Israel sa loob ng West Bank. Ang ICJ, na tinatawag ding World Court, ang kataas-taasang hudisyal na awtoridad ng UN. Ayon sa korte, "katumbas ng pananakop" ang pagtatayo ng naturang pader at nararapat na itigil kaagad. Ipinagigiba rin nito ang pader na naitayo na. Ang pagtatayo ng naturang pader ay lantarang sinusuportahan ng US at UK. Nauna nang nagpahayag ang dalawang imperyalistang bansa na hindi dapat makialam ang korte sa naturang usapin. Sa 15 huwes ng ICJ, tanging si Thomas Buergenthal ng US ang sumalungat sa desisyon. Bagamat hindi maoobliga ang Israel na tumalima sa desisyon ng ICJ, at sa katunaya'y tahasan itong sumusuway sa hatol, may malaking kabuluhan ang desisyon lalupa't ang naturang kaso ay isinampa hindi lamang ng Palestine kundi ng General Assembly o buong kapulungan ng UN. Pinagtitibay ng pasya ng korte ang makatarungang batayan ng pagtutol ng mga mamamayan at bansa sa daigdig sa pangaapi ng Israel sa Palestine at sa pagsuporta ng US dito.

21 Hulyo 2004
Edisyong Pilipino

	Editoryal: Lumalala ang pagkakahiwalay ng rehimeng Arroyo sa mamamayan
	Tagumpay ng mamamayan ang pagpapalaya kay Angelo dela Cruz
	Pagbuwag sa rali, binatikos
	Mga kaso laban kay Palparan, ipupursige
	Lumalalang paglabag sa karapatang-tao sa Eastern Visayas
	Mga ulat koresponsal: Matagumpay na depensa ng BHB sa Northern Samar: Apat, di nagapi ng apatnapu
	Mga ulat koresponsal: Laban sa matinding militarisasyon sa Quezon
	Mga ulat koresponsal: Muling sumisibol ang rebolusyonaryong gawaing pangkultura sa Panay
	Maikling bidyo
	Sa Ibayong Dagat: Lumalakas ang pagtutol sa patakarang panlabas ng US: Sunud-sunod na dagok
	Iligal ang security barrier ng Israel
	Balita: Abusadong mga tropa, pinalalayas sa Negros
	Balita: Pagbabayad-pinsala sa mga biktima ng batas militar, binalewala ng rehimeng Arroyo
	Balita: US, binatikos sa kumperensya ukol sa AIDS