Imperyalismong US, nanghihimasok sa eleksyon

Read this article in English

Kasalukuyang nasa Pilipinas ang aabot sa 120 ahente ng imperyalismong US upang umano'y imonitor ang eleksyon sa Mayo 10 —isang tahasang panghihimasok sa mga panloob na usapin ng Pilipinas. Bukod sa mga tauhan ng embahada ng US, marami sa mga sinasabing magmamasid ay nagmula sa National Democratic Institute for International Affairs (NDIIA), isang institusyong hawak ng maka-Kanang AFL-CIO, isang pederasyon ng paggawa sa US. Marami rin ang mula sa International Republican Institute (IRI) na hawak ng Republican Party ni US President Bush.

Ang mga ultra-Kanang institusyong ito ay ginagamit na daluyan ng pondo mula sa National Endowment for Democracy (NED) na hawak ng US Central Intelligence Agency (CIA) para sa mga panghihimasok nito sa iba't ibang bansa. Sa pamamagitan ng NED, pinondohan ng CIA ang mga organisasyon sa Haiti noong Pebrero upang pabagsakin si Pres. Jean-Bertrand Aristide. Dito rin pinadadaloy ng US ang pondo para sa mga organisasyong naglulunsad ng mga paglaban kay Hugo Chavez, anti-imperyalistang presidente ng Venezuela.

May maitim na hangarin ang pagpasok ng "US monitoring team" na ito sa Pilipinas. Ang panghihimasok nito sa eleksyon sa Mayo 10 ay gagamitin ng imperyalismong US upang tiyakin ang interes nitong magkaroon ng mahusay na pagsasaayos ng tunggalian ng mga papet na pulitiko at pigilan ang posibleng pagsiklab ng kaguluhan pagkatapos ng eleksyon. Nababahala rin ang US sa posibleng pananalo ng makabuluhang bilang ng mga progresibong partido sa halalan.

07 Mayo 2004
Edisyong Pilipino

	Editoryal: Walang pundamental na pagbabagong idudulot ang eleksyon sa Mayo 10
	Panggigipit sa mga progresibong partido: Walang tigil ang paninira at pamamaslang
	Mga kandidatong lumabag sa PTC, dinisarmahan ng BHB
	Imperyalismong US, nanghihimasok sa eleksyon
	Koleksyon ng mga litrato ng BHB, inilunsad
	Itakwil ang mga gumagamit sa OPML para walang tigil na siraan ang Partido —Ka Basil
	Mga ulat koresponsal: Mga tulisan, instrumento ng AFP sa Northeastern Mindanao
	Mga ulat koresponsal: Cordillera Day 2004: Kasaysayan ng magiting na pakikibaka sa Cordillera, ipinagbunyi
	Balita