Balita

Read this article in English

Central Luzon pinaralisa ng tigil-pasada

Paralisado ang transportasyon sa apat na prubinsya at limang lunsod sa Central Luzon nang matagumpay na ilunsad ng 110,000 drayber ng dyip at traysikel sa pamumuno ng Pinag-isang Samahan ng Tsuper at Operator Nationwide (PISTON) ang isang tigil-pasada nitong Nobyembre 8 para igiit ang pagbabasura sa Oil Deregulation Law.

Hindi bumyahe ang 90% ng mga dyip at traysikel sa Pampanga, laluna sa Angeles City at City of San Fernando. Samantala, 98% namang paralisado ang transportasyon sa San Jose City sa Nueva Ecija at San Ildefonso at Malolos sa Bulacan. Sa Tarlac City at 17 bayan ng Tarlac, 90% ng 2,000 dyip at minibus ang hindi pumasada.

Pangalawang asembliya ng ILPS, idinaos

Matagumpay na nailunsad ng International League of Peoples Struggle (ILPS) ang pangalawang internasyunal na asembliya nito mula Nobyembre 11 hanggang 13 sa Eindhoven, The Netherlands. Dinaluhan ito ng 240 delegadong kumakatawan sa 136 organisasyon mula sa 33 bansa.

Nagkaroon ng mga buhay at bukas na mga diskusyon at debate kaugnay sa ilalabas na Pangkalahatang Deklarasyon ng asembliya. Naipasa nang walang tutol ang deklarasyon at sang-ayon ang lahat na naabot ang mas mataas na pagkakaisa sa pamamagitan ng debate.

Arafat, pinarangalan ng PKP

Nagpahayag ng pakikidalamhati ang Partido Komunista ng Pilipinas (PKP) sa mamamayang Palestino sa pagyao ni Yasser Arafat, tagapangulo ng Palestinian Liberation Organization (PLO) at presidente ng Palestine.

Ani Gregorio "Ka Roger" Rosal, tagapagsalita ng Partido, apat na dekadang nagpunyagi si Arafat para pagkaisahin ang mamamayang Palestino sa ilalim ng PLO, lumahok sa kanilang digmang gerilya, katawanin at ipagtanggol ang adhikain ng mga Palestino sa larangan ng pandaigdigang diplomasya at magsilbing simbolo at inspirasyon ng militanteng pakikibaka ng mamamayang Palestino para lumaya mula sa pananakop at pang-aapi ng US at Israel.

Sa pagpapatindi ng kanilang pakikibaka, patuloy ni Ka Roger, hahalaw ng inspirasyon ang mamamayang Palestino kay Arafat at sa alaala ng libu-libong martir na Palestino na magiting na nakipaglaban para makamit ang pangarap nilang mapalaya ang kanilang bansa.

Si Arafat ay namatay noong Nobyembre 11 sa isang ospital sa Paris, France sa edad na 75 anyos.

21 Nobyembre 2004
Edisyong Pilipino

	Editoryal: Ituon ang makauring galit sa rebolusyonaryong pagbabagsak sa mga nagsasamantalang uri at buong naghaharing sistema
	Sigaw ng mga manggagawa sa Hacienda Luisita Di kami uurong
	Mga Ulat Koresponsal Depensiba sa Tarlac, naipihit tungong taktikal na tagumpay
	Tuluy-tuloy na binibigyang-sigla ng kabataan ang Partido at rebolusyonaryong kilusan
	40 taon ng Kabataang Makabayan
	Mga aral at tagumpay sa pagbubuo ng mga balangay ng Kabataang Makabayan
	Bukas na liham ni Ka Roger sa mga sundalo at pulis, pinalalaganap
	10 punto ng pagkilos ng mga armadong tauhan ng reaksyunaryong estado
	Mga tagumpay ng sosyalistang rebolusyon at konstruksyon sa China ng 1949-1976 Sagot sa krisis pang-ekonomya: Rebolusyon at sosyalistang konstruksyon
	Matatagumpay na opensiba ng BHB 10 tropa ng kaaway, napatay sa pakikipagsagupaan sa BHB ngayong Nobyembre
	Balita