Singil sa serbisyong tubig, tataas

Read this article in English

Hindi pagbaba kundi pagtaas ng presyo ng mga batayang serbisyo ang ibubunga ng pribatisasyon ng public utilities. Pinatutunayan ito ngayon ng karanasan sa Maynilad Water Services, ang pribadong kunsesyunaryo na nagseserbisyo sa kanlurang bahagi ng Metro Manila mula nang isapribado ang Metropolitan Waterworks and Sewerage System noong 1997 sa utos ng IMF. Ang Maynilad Water Services ay magkasosyong pagmamay-ari ng Benpres Holdings Corp. ng mga Lopez at ng Suez des Lyonnaise des Eaux, isang kumpanyang Pranses.

Halos hindi pa natutuyo ang tintang ginamit ni Gloria Macapagal-Arroyo sa paglagda sa Power Reform Act nang pumasok sa isang Memorandum of Cooperation nitong Hunyo 9 ang Malakanyang at ang Maynilad. Nilalaman ng memorandum na ito ang pagtataas nang P5 bawat metro kubiko sa singil sa serbisyong tubig. Katumbas ito ng 73% pagtaas sa batayang singilin sa tubig na P6.58 bawat metro kubiko. Ito na ang pangalawang pagtaas na hiniling ng Maynilad ngayong taon. Noong Enero ay nagtaas ito nang 45 sentimo bawat metro kubiko.

Dahil sa inaning matitinding pagbatikos ng mamamayan sa hakbanging ito, pansamantalang binawi ng Malakanyang nitong Hunyo 13 ang pahintulot sa Maynilad para sa biglaang pagtaas ng singil sa tubig. Pahihintulutan pa rin ang pagtataas ngunit paunti-unti lamang upang umano'y makaiwas sa malakas na pagtutol ng mamamayan.

Samantala, mariing tinututulan ng mga empleyado sa Maynilad ang plano ng maneydsment na kaltasan nang 10% ang sahod ng bawat manggagawa at superbisor at ang pagkansela sa kanilang vacation pay. Nagbanta ang Maynilad na patatalsikin ang mga tututol na empleyado.

Hunyo 2001
Edisyong Pilipino

	Editoryal: Ilantad at labanan ang mga maka-imperyalista at anti-mamamayang patakaran at hakbangin ng rehimeng US-Macapagal-Arroyo
	Power Reform Act: Nagbibigay-daan sa higit na dayuhang dominasyon sa ekonomya
	Singil sa serbisyong tubig, tataas
	Pagtaas ng presyo ng mga produktong petrolyo: Patuloy na pagkakamal ng superganansya ng mga dambuhalang kumpanya ng langis
	Pananalanta ng pasistang estado: Sa ikalawang kwarto ng taon
	Mga Ulat Koresponsal: Tinuligsa, tumitinding militarisasyon sa Oriental Mindoro
	Mga Ulat Koresponsal: Makatarungan ang pagpaparusa kina Mayor Platon at Rep. Punzalan -- Melito Glor Command
	Pagsuspinde ng GRP sa usapang pangkapayapaan, binatikos ng NDFP
	Bwitre ng Cagayan Col. Aguinaldo, pinarusahan ng BHB
	Hudyat sa pag-iibayo ng pandaigdigang pakikibaka: Pandaigdigang liga sa pakikibaka ng mga mamamayan, itinatag
	Mga balita ng pakikibaka