Matagumpay na opensiba ng BHB:
9 Sundalo ng 52nd Recon Coy, patay sa kontra-opensiba ng BHB

Read this article in English

Siyam na elemento ng 52nd Reconnaisance Company ng Philippine Army ang nasawi sa opensiba ng Bagong Hukbong Bayan noong Mayo 4, alas-5 ng hapon sa Sityo Ugis, Agaman Sur, Baggao, Cagayan.

Ang 10-kataong tim ng 52nd Recon Coy ay nagpapanggap na yunit ng BHB habang gumagalugad sa nasabing purok simula pa ng umaga. Bahagi ito ng operasyong militar ng pinagsanib na tropa ng 41st IB, 52nd Recon Coy at 117th PNP-Baggao na nagsimula noong Marso 28.

Layunin ng operasyong ito na hadlangan ang patuloy na paglakas ng kilusang masa para maitaas ang presyo ng produkto ng magsasaka at maibaba ang interes ng pautang. Gayundin, nais nilang wasakin ang lumalawak at dumaraming pwersa ng rebolusyonaryong kilusan.

Matapos mapinsalaan, lalong nagpakawala ng bangis ang mga sundalo ng Philippine Army at tinarget ang mga sibilyan. Sa mga sumunod na araw, nanalasa ang mga sundalo at biniktima ang mga sibilyan:

(a) tinakot at ninakawan ang pamilyang De la Cruz: pilit na isinubo kay Herminio ang kanyon ng baril; tinakot at binugbog si Romeo; at si Analyn, buntis, pinaghinalaang kasapi ng BHB ay kinaladkad at ninakawan pa ng P3,000; (b) kinaladkad at ninakawan ng pitong manok si Pidong Dominsel; (k) tinakot at inakusahang sumusuporta sa BHB si Randy Battala, isang kagawad ng barangay (d) sinikmuraan ang tatlong kabataan ng Agaman Norte matapos mabigong sumunod sa utos ng mga sundalo na sunduin ang isang upisyal ng barangay.

21 Hunyo 2003
Edisyong Pilipino

	Editoryal: Arroyo, kandidato ng imperyalismong US sa eleksyong 2004
	Kasunduang ilibre ang US sa pag-uusig sa ICC, kinundena
	Pakulo sa Mindanao: Malakanyang nagpakulo ng panlilinlang sa pagdalaw ni Arroyo
	Mga Ulat Koresponsal: Tatlong mahahalagang aral
	Mga Ulat Koresponsal: Pakikibakang agraryo sa Isabela at Cagayan: Interes sa pautang napababa, presyo ng mais napataas
	Matagumpay na opensiba ng BHB: 9 Sundalo ng 52nd Recon Coy, patay sa kontra-opensiba ng BHB
	Dean Armando Malay: Isang patriotiko at demokratikong mamamahayag at tagapagtaguyod ng karapatang-tao
	Bihag na sarhento, pinalaya ng BHB
	Sa Ibayong Dagat: Mga bulaan, ibayo nang nalalantad at itinatakwil
	Sa Ibayong Dagat: Marami pang palsipikasyon
	Sa Ibayong Dagat: Paglaban sa US, lumalawak sa Iraq at Afghanistan
	Sa Ibayong Dagat: Kasakiman ng G8 sa Africa
	Balita