Balita

Read this article in English

Mga hukom, naglunsad ng aksyong protesta

Pansamantalang natigil ang serbisyo ng mga korte sa Maynila at sa iba pang lunsod at bayan ng bansa noong Oktubre 6 nang maglunsad ng mga aksyong protesta ang mga hukom. Iginigiit ng mga mahistrado at empleyado ng korte ang pagpapatibay sa nabinbing Senate Bill 2018 na nagsasaad ng 25% pagtaas sa kanilang sweldo at alawans. Sa Cebu City, sinuspindi ng mga huwes ang pagdinig sa mga kaso sa naturang araw. Nagpahayag naman ng suporta sa kanila ang Integrated Bar of the Philippines-Cebu City at prubinsyal na tsapter nito. Sa Negros Occidental, nagsara ang mga korte sa pitong syudad at sa sampung iba pang bayan.

GSIS, niyanig ng mga protesta

Niyanig ng malawakang protesta noong Oktubre 6 at 8 ang Government Service Insurance System (GSIS) dahil sa malakihang mga kaso ng katiwalian sa pamunuan nito. Sa pamumuno ng Confederation for the Unity, Recognition and Advancement of Government Employees (COURAGE), naglunsad ng martsa-protesta noong Oktubre 8 sa Maynila ang mga kawani. Umabot ng 5,000 ang nagtipon sa harapan ng punong upisina ng GSIS sa Pasay City para igiit ang pagpapatalsik kay Winston Garcia, presidente at general manager ng GSIS.

Sa Baguio City at San Fernando City, La Union, pinamunuan ng COURAGE ang mga kilos protesta at ganundin sa Lucena City. Mga 400 kawani ng 26 na iba't ibang ahensya ng gubyerno sa Tacloban City ang naglunsad ng protestang pinamunuan ng COURAGE-Eastern Visayas. Nagsagawa ng caravan sa Bacolod City ang 500 kasapi ng COURAGE. Nagmartsa ang lokal na alyansa ng mga empleyado ng gubyerno na Protect Our Funds at COURAGE sa rehiyunal na tanggapan ng GSIS sa Iloilo City bago magsagawa ng noise barrage.

Rehimeng Sanchez-Lozada ng Bolivia, ibinagsak ng mamamayan

Sa kabila ng pagsuporta ng gubyernong US, tuluyang bumagsak ang rehimen ni Pres. Gonzalo Sanchez de Lozada ng Bolivia noong Oktubre 17 pagkatapos ng isang buwang madugong pag-aalsa ng mamamayan sa pamumuno ng Bolivian Workers Central. Pumalit sa kanya si Bise Pres. Carlos Mesa. Nag-iwan ang rehimen ng 86 na patay at mahigit isandaang sugatang mamamayan. Nagbunyi sa mga lansangan ang mga minero, estudyante, titser, magsasaka, katutubong Indian at relihiyosong Katoliko nang mabalitaan ang pagbibitiw ng kinamumuhiang pangulo. Ang isang buwang pag-aalsa ay bunsod ng tumitinding pabigat sa mamamayan ng imperyalistang "globalisasyon ng malayang pamilihan" at lumalalang karalitaan.

21 Oktubre 2003
Edisyong Pilipino

	Editoryal: Hepeng imperyalista at terorista, itinakwil ng sambayanang Pilipino
	Nagliliyab na mga protesta, sumalubong kay Bush
	Bilateral na kasunduan, niluluto nina Bush at GMA
	Mga Ulat Koresponsal: Mga aral at tagumpay sa pakikibakang agraryo sa Isabela
	Mga Ulat Koresponsal: Bigo ang �Orgullo� Brigade sa Bicol
	Mga Ulat Koresponsal: Pagtutol ng mamamayan sa SOT sa Cordillera
	Mga Ulat Koresponsal: Ang kwento sa likod ng reyd sa Oras, Eastern Samar
	Usapang pangkapayapaan ng NDF at GRP, muling bubuksan
	Dalawang bagong aklat ni Ka Joema, inilunsad
	Tangkang ekstorsyon ng Malakanyang, ibinunyag ng Fraport
	Matatagumpay na opensiba ng BHB: Mga Tampok na Opensiba
	Balita