Ang karapatan ng mga batang Pilipino
Memorandum hinggil sa minimum na rekisitong edad para sa mga mandirigma ng Bagong Hukbong Bayan

Read this article in English

Komiteng Tagapagpaganap ng Komite Sentral
15 Oktubre 1999

Para sa lahat ng organo ng Partido at kumand ng Bagong Hukbong Bayan:

Ipinapabatid ang sumusunod para makagabay sa mga kinauukulan:

1. <--!1.--> Sa ilalim ng Internasyunal na Makataong Batas, partikular ang Artikulo 77, ikalawang parapo ng Protocol I ng Hunyo 8, 1977 bilang karagdagan sa Geneva Convention ng Agosto 12, 1949 at kaugnay sa Proteksyon ng mga Biktima ng Internasyunal na mga Armadong Labanan, ang magkabilang panig sa armadong labanan �ay magsisikap na bigyan ng prayoridad ang pinakamatanda sa pagrerekluta sa hanay ng mga taong tumuntong na sa edad 15 pero hindi pa tumutuntong sa edad 18 (�).�

   Sa ilalim ng Artikulo 4, ikatlong parapo ng Protocol II bilang karagdagan sa Mga Geneva Convention, ang mga bata na hindi pa tumutuntong sa edad 15 ay hindi pahihintulutang lumahok sa labanan. Sa ilalim ng Artikulo 4, ikatlong parapo, letra �d� ng Protocol II, ang mga batang nahuli na wala pang edad 15 na direktang lumahok sa labanan, sa kabila ng pagbabawal dito sa Artikulo 4, ikatlong parapo, letra �c� ng naturang Protocol ay mananatiling saklaw ng espesyal na proteksyong ibinibigay sa mga bata sa Artikulo 4, ikatlong parapo.

2. Sa ilalim ng Kumbensyon ng United Nations Tungkol sa Mga Karapatan ng mga Bata, na pinagtibay noong Nobyembre 20, 1989, ang mga bata ay binibigyan ng espesyal na mga karapatan hanggang sa edad 18 at ang minimum na hangganang edad na itinatakda para sa paglahok ng mga bata sa mga labanan ay 15 taong gulang.

3. Ang International Committee of the Red Cross at ang Red Crescent Movement ay nananawagan para sa pagpapatibay ng isang opsyunal na protokol kaugnay ng Kumbensyon ng United Nations Tungkol sa Mga Karapatan ng mga Bata na nakatuon pa partikular sa pagbabawal sa pagrerekluta ng mga batang wala pang 18 taong gulang sa mga armadong pwersa at mga armadong grupo at sa kanilang paglahok sa mga labanan. Ang panukalang opsyunal na protokol ay hindi pa pinagtitibay at nagtataglay ng di malinaw na mga termino, tulad ng �tuwiran at di tuwirang paglahok� at �mga labanan�.

   Hanggang sa ngayon, ang umiiral na mga internasyunal na batas na makatao at ng mga karapatang-tao ay nagpapahintulot sa pagrerekluta ng mga taong nasa pagitan ng edad 15 at 18 bilang mga kombatant sa alinmang panig sa armadong labanan.

Ang Partido Komunista ng Pilipinas (PKP), ang Bagong Hukbong Bayan (BHB) at ang Pambansang Demokratikong Prente ng Pilipinas ay gumagalang sa nabanggit na batas at nagsasaalang-alang sa sumusunod: sa katotohanang ang BHB ay nag-susulong ng isang digmang bayan; sa brutalidad ng kanyang kaaway na nagpapatupad ng mga akto ng agresyon laban sa mamamayan sa kanyang teritoryo; at lahat ng tao, anuman ang edad ay may likas na karapatan sa pagtatanggol sa sarili. Buu-buong komunidad ay responsable sa kanilang internal na seguridad at maaaring magpatupad ng pagtatanggol sa sarili laban sa nananalakay sa kanila.

Alinsunod sa umiiral na internasyunal na batas na makatao at ng mga karapatang-tao, pinagtibay noong 1988 ng Kawanihang Pampulitika ng Komite Sentral ng PKP ang patakarang nagbabawal sa pagrerekluta ng mga batang wala pang edad 18 bilang mga regular na kaanib o armadong mandirigma ng mga yunit pangkombat ng BHB. Patuloy nating itinataguyod ang nasabing patakaran at muling inuulit ito ngayon sa harap ng pinatinding kampanyang psywar ng reaksyunaryong gubyerno.

Dagdag pa, inaamyendahan namin ang Punto 1 ng Ikatlong Alituntunin ng Saligang Mga Alituntunin ng Bagong Hukbong Bayan na nagsasaad ng ganito:

Punto 1. Sinumang mahusay ang pangangatawan, anuman ang gulang, kasarian, lipi, nasyunalidad o relihiyon, may kakayahang lumaban at handang lumahok sa matagalang sandatahang pakikibaka laban sa reaksyunaryong kapangyarihang estado ay maaaring maging kasapi ng isang panlabang pangkat ng Bagong Hukbong Bayan.

Ang inamyendahang Punto 1 ng Ikatlong Alituntunin ay nagsasaad ng ganito magmula ngayon:

Punto 1. Sinumang di bababa sa edad 18, may mahusay na pangangatawan at pag-iisip, anuman ang kasarian, lipi, nasyunalidad o relihiyon, may kakayahang lumaban at handang lumahok sa armadong pakikibaka laban sa reaksyunaryong kapangyarihang estado, ay maaaring maging kombatant o kasapi ng isang panlabang yunit ng BHB.

Sinumang hindi bababa ang edad sa 15 ay maaaring tanggapin bilang mga treyni o aprentis ng BHB at maaaring italaga sa pagtatanggol sa sarili, milisya o iba pang di pangkombat na mga yunit at gawain.

Sa mga kaso ng pananalakay o pagpasok ng kaaway sa teritoryo ng demokratikong gubyernong bayan, lahat ng higit sa edad 15 ay maaaring mobilisahin para sa pagtatanggol sa sarili, sa kundisyong bibigyan ng prayoridad sa distribusyon ng armas para sa pagtatanggol sa sarili ang pinakamatanda sa hanay ng mga wala pang edad 18 pero lampas na sa edad 15.

Ang naturang amyenda ay kagyat na magkakabisa.

Ang BHB ay mahigpit na tumatalima sa mga prinsipyo at mga instrumento ng internasyunal na makataong batas at ng mga karapatang-tao. Dapat nating ilantad ang malisyosong kampanyang propaganda ng kaaway na ang BHB ay sistematikong nagrerekluta ng mga bata na wala pang edad 15 para maging mga kombatant.

Dapat kundenahin ang praktis ng kaaway sa pagpatay ng mga batang wala pang edad 15 at pagkatapos ay palalabasing sila ay mga armadong mandirigma ng BHB o di kaya ay ang pagkidnap, pagtortyur, pananakot at pamumwersa sa kanila na umaming sila ay mga kombatant ng BHB at pagbibilanggo sa kanila nang walang taning at pagtrato sa kanila sa malupit at mapanghamak na paraan.

Hinahamon namin ang GRP na panindigan ang kanyang sariling pirma sa Komprehensibong Kasunduan ng GRP-NDFP sa Paggalang sa mga Karapatang-tao at sa Internasyunal na Makataong Batas at sumang-ayon sa pagpapatupad ng GRP-NDFP Joint Monitoring Committee kung saan maihahapag ang mga reklamo, o tumungo nang diretso sa nararapat na internasyunal na korte ng batas at magsampa ng reklamo laban sa anumang sinasabing paglabag sa Geneva Conventions at sa Protocol I at II.

12 Nobyembre 1999
Edisyong Pilipino

	Editoryal: Samantalahin ang krisis sa paghahari ng reaksyunaryong rehimeng Estrada
	Editoryal: Batiin ang ika-21 siglo at ang bagong milenyo nang may kapasyahang paigtingin ang rebolusyon
	Hinggil sa mga batayan at espesyal na taktikal na opensiba
	Ang unos ng paglaban sa globalisasyon
	Ang lumalawak na imperyo ni Lucio Tan
	Sa pag-upo ni Lacson bilang hepe ng PNP: Paghasa sa pasistang pangil ng rehimeng US-Estrada
	Tumitinding pasismo ng rehimeng US-Estrada
	Ang karapatan ng mga batang Pilipino
	Ang karapatan ng mga batang Pilipino Tungkol sa diumano�y malawakang pagrerekrut ng BHB ng mga mandirigmang bata
	Ang karapatan ng mga batang Pilipino Ilang mahahalagang impormasyon
	Ang karapatan ng mga batang Pilipino Memorandum hinggil sa minimum na rekisitong edad para sa mga mandirigma ng Bagong Hukbong Bayan
	Ang karapatan ng mga batang Pilipino Pag-oorganisa ng mga bata sa kanayunan
	Ang karapatan ng mga batang Pilipino Ang miserableng kalagayan ng mga manggagawang bata sa Pilipinas
	Ang karapatan ng mga batang Pilipino Kontra-rebolusyonaryong karahasan laban sa mga bata sa kanayunan
	Hinggil sa usapin ng nasyunalidad at karapatan sa pagpapasya sa sarili
	Malawakang pagkilos para sa karapatang-tao, idinaos
	Ang moro-morong negosasyon sa pagitan ng rehimeng US-Estrada at pangkating Tabara-dela Cruz
	Di makataong pagtrato kay Ka Parago, kinundena
	Mga Balita