Mga Ulat Koresponsal:
Kampanyang magsasaka sa Ilocos Region, lumalawak

Read this article in English

Bawas sa resiko ng tabako. Naipagtagumpay ng mga magsasaka na maibaba sa 3.75% (o tatlo sa kada 80 kilo) na lamang ang ibabawas ng mga trading center (TC) sa timbang ng tabakong binibili ng mga ito. Dati'y 10% (o tatlo sa kada 30 kilo) ang ibinabawas ng mga TC dahil sa resiko (kinukwentang bawas sa timbang habang natutuyo pa ang tabako), bigat ng sako, kawayang pantuhog at iba pa.

Pagbuwag sa sortido. Naipagtagumpay din ng mga magsasaka ang matagal na nilang ikinakampanyang pagtatanggal ng sistemang sortido o ang pagklasipika sa kalidad ng tabako. Malaki dati ang lugi ng mga magsasaka sa sistemang sortido dahil sa arbitraryo at madayang pagbababa ng mga TC sa grado ng tabakong binibili nila sa mga magsasaka.

Pagpapataas sa presyo ng kape. Sa ilang baryo sa isang tipak ng tatlong munisipyo ng Ilocos Sur, ang presyo ng kape na anim na taon nang nakapako sa P45 kada salop ay matagumpay na naitaas ng mga magsasaka tungong P60 hanggang P65 bawat salop. Kape ang pangunahing pananim ng mga magsasaka sa lugar. Naglunsad ng sama-samang pagkilos ang mga magsasaka para igiit ang kanilang kahilingan sa nag-iisang komersyanteng nagmomonopolyo sa pagbili ng kape roon.

Paglaban sa pandaraya sa CLT. Sa Cabugao, Ilocos Sur, magiit ang paglaban ng mga magsasaka upang bawiin ang lupang inaagaw sa kanila. Natuklasan nilang ibinebenta pala ng panginoong maylupa ang 32 ektaryang lupa na 15 taon na nilang hinuhulugan. Pinapipirma sila ng PNREDC, ang kumpanyang nais bumili sa lupa, sa dokumentong nagsasaad na ito na ang may-ari ng lupa. Hindi napapayag ng kumpanya ang mga magsasaka at sa halip ay ispontanyong sumiklab ang kanilang paglaban. Natutunan ng mga magsasaka na kailangan ang organisadong paggigiit at sa proseso tumaas ang militansya ng kanilang hanay at lumakas ang kanilang paglaban. Sumabay din sa pagkilos ang mga magsasaka sa mga kalapit na baryo. Sa ngayon ay sinasaka pa nila ang lupa habang patuloy na nakikipaglaban para lubusang maibalik sa kanila ang mga lupain.

Mga tagumpay sa pulitika. Ang mga kongkretong benepisyo sa kabuhayan na naipagtagumpay sa pamamagitan ng mga kampanyang magsasaka sa Ilocos ay nagsilbing positibong kundisyon sa paglulunsad ng malalaking mobilisasyon at sa pagkakamit ng mas marami at malalaki pang tagumpay sa pulitika. Natuto silang humarap sa mga kumprador kapitalista, ahensya ng gubyerno at iba pa.

Sa kanilang paggigiit, nagkamit ang mga magsasaka ng mga kongkretong benepisyo gaya ng kalsada, tulay at irigasyon. Sa mga interyor na baryo, nagawa nilang makapagpatupad ng mga programang pangkalusugan. Pinahigpit din nila ang pakikipag-ugnayan sa iba pang aping uri at humatak ng suporta mula sa mga panggitnang pwersa. Kasama ng mga ito, naglunsad rin sila ng mas malalawak at iba pang anyo ng pagkilos kaugnay ng iba't ibang isyung pampulitika at panlipunan -� kawalan ng tunay na repormang agraryo, pagyurak ng "Balikatan" sa pambansang soberanya, militarisasyon sa kanayunan, pagpapatalsik sa rehimeng Macapagal-Arroyo, warlordismo, pagkasira ng kalikasan at iba pa.

Pebrero 2003
Edisyong Pilipino

	Editoryal: Para sa pagsuporta nito sa pang-uupat ng gera sa Iraq Pagbayarin ang rehimeng Macapagal-Arroyo!
	Malawak ang pandaigdigang pagtutol sa pananalakay sa Iraq
	Mga tampok na kilos protesta
	Mga kilos-protesta sa Pilipinas laban sa bantang gera ng US sa Iraq, lumalawak
	Ang kriminal at kontra-rebolusyonaryong si Romulo Kintanar, pinarusahan
	Macapagal-Arroyo, hayagan nang pumabor sa cha-cha
	Pandaraya sa mga estadistikang pang-ekonomya, nabunyag
	Ang krisis na ikinukubli ng pandirigma ni Bush
	Mga Ulat Koresponsal: Pakikibakang agraryo sa Cagayan at Isabela: Kampanya sa pagpapataas ng presyo ng mais, tagumpay
	Mga Ulat Koresponsal: Lupang inagaw, binawi ng mga magsasaka sa Isabela
	Mga Ulat Koresponsal: Kampanyang magsasaka sa Ilocos Region, lumalawak
	Mga Ulat Koresponsal: Paano binawi ni Mang Ador ang kanyang lupa
	Dekada '70: Pelikulang may panlipunang kabuluhan
	Balita
	Bilang pagtutuwid Mensahe sa mga manggagawa ng PLDT
	Pagtutuwid