Balita:
Pagbabayad-pinsala sa mga biktima ng batas militar, binalewala ng rehimeng Arroyo

Read this article in English

Isinaisantabi ng Malakanyang noong Hulyo 14 ang utos ng isang US federal court sa Honolulu, Hawaii na ilipat ang $40 milyon sa $684 milyong bahagi ng nakaw na yaman ng mga Marcos, tungo sa bank account na binuksan para sa mga biktima ng pang-aabuso sa karapatang-tao sa ilalim ng diktadurang Marcos. Ang $40 milyon ay bahagi ng danyos na nakalaan para sa halos 10,000 biktima na nanalo noong 1995 sa kasong isinampa nila sa US laban sa mga Marcos.

Matatandaan na isa sa mga dahilan ng pagkadismaya ng National Democratic Front of the Philippines (NDFP) sa ikatlong round ng pakikipag-usap nito sa GRP noong Hunyo ang kawalang-aksyon ni Arroyo kaugnay ng pangako niyang ayusin ang danyos na naipagwagi ng mga biktima.

Ang pagsuway ng rehimeng Arroyo sa utos ng korte sa US ay may kaugnayan din sa pakikipag-areglo ngayon ni Macapagal-Arroyo sa mga Marcos. Naghahagilap din si Arroyo ng pondo na gagamitin para punuan ang walang tigil sa pagtaas na depisit sa badyet ng gubyerno at pondohan ang kanyang hungkag na 10-puntong programa, mga gastos-militar at iba pa.

21 Hulyo 2004
Edisyong Pilipino

	Editoryal: Lumalala ang pagkakahiwalay ng rehimeng Arroyo sa mamamayan
	Tagumpay ng mamamayan ang pagpapalaya kay Angelo dela Cruz
	Pagbuwag sa rali, binatikos
	Mga kaso laban kay Palparan, ipupursige
	Lumalalang paglabag sa karapatang-tao sa Eastern Visayas
	Mga ulat koresponsal: Matagumpay na depensa ng BHB sa Northern Samar: Apat, di nagapi ng apatnapu
	Mga ulat koresponsal: Laban sa matinding militarisasyon sa Quezon
	Mga ulat koresponsal: Muling sumisibol ang rebolusyonaryong gawaing pangkultura sa Panay
	Maikling bidyo
	Sa Ibayong Dagat: Lumalakas ang pagtutol sa patakarang panlabas ng US: Sunud-sunod na dagok
	Iligal ang security barrier ng Israel
	Balita: Abusadong mga tropa, pinalalayas sa Negros
	Balita: Pagbabayad-pinsala sa mga biktima ng batas militar, binalewala ng rehimeng Arroyo
	Balita: US, binatikos sa kumperensya ukol sa AIDS