Special Purpose Assets Vehicle: Pagsagad sa neokolonyal na katayuan ng Pilipinas [Lumulubhang Krisis sa Ekonomiya]

Read this article in English

Isa sa mga panukalang minamadaling isabatas ngayon sa kongreso ang Special Purpose Assets Vehicle (SPAV) na naglalayong pag-ibayuhin ang pribatisasyon ng mga pampublikong pang-ekonomyang ari-arian at ang denasyunalisasyon ng ekonomya ng bansa. Layon din nitong ikutan ang probisyon sa konstitusyon na nagbabawal sa mga dayuhang magmay-ari ng lupa sa Pilipinas.

Kapag naisabatas na ang SPAV, bubuo ang gubyerno ng isang kumpanyang bibili at mangangasiwa ng mga di produktibong ari-arian ng mga bangko (tinatawag na non-performing assets) na inilit mula sa mga indibidwal o korporasyon na hindi nakapagbayad ng utang. Sa pamamagitan ng batas na ito, pahihintulutan ang mga dayuhan na bilhin ang mga nasabing ari-arian, kabilang ang real estate o mga lupain, sa higit na murang halaga. Bibigyan din ang mga dayuhang mamumuhunan ng iba't iba pang insentibo, kabilang na ang paglilibre sa pagbayad ng iba't ibang buwis.

Kapag natuloy, ang SPAV ay magiging isa sa pinakagarapal na mga instrumento sa pagbabaon ng Pilipinas sa mas malalim na hukay ng neokolonyalismo.

Ang paghahapag ng panukalang batas na ito ay isang desperadong hakbangin ng naghaharing rehimen sa harap ng seryosong kasalatan sa pondo para sa pagpapatakbo ng pambansang gubyerno at mga proyektong pampasiklab at umano'y pampasikad ng ekonomya. Nasa napakalubhang antas na ang kakulangan ng pondo ng pambansang gubyerno matapos ang pagbagsak ng kabuuang produksyon; paghihigpit ng dayuhang pautang sa nakaraang mga taon; pagtumal ng pasok ng dolyar mula sa mga OCW; at pagkasaid ng mga pang-ekonomyang pag-aari ng estado bunga ng malawakang pagsusubasta ng mga ito mula pa noong 1992.

Disyembre 2001
Edisyong Pilipino

	Editoryal: Isang taon ng pagpapahirap at pagmamalupit sa mamamayan
	National Socio-Economic Summit: Higit pang pasismo at pagtatali ng Pilipinas sa neokolonyalismo [Lumulubhang Krisis sa Ekonomiya]
	Special Purpose Assets Vehicle: Pagsagad sa neokolonyal na katayuan ng Pilipinas [Lumulubhang Krisis sa Ekonomiya]
	Pambansang badyet para sa 2002: Pondo para sa pasismo at pagpapakatuta [Lumulubhang Krisis sa Ekonomiya]
	Krisis sa ekonomya: Ilang mahahalagang datos [Lumulubhang Krisis sa Ekonomiya]
	Ang salamangka sa datos sa disempleyo [Lumulubhang Krisis sa Ekonomiya]
	Resesyon sa US, Japan at Germany: Krisis sa mga sentro ng kapitalismo [Lumulubhang Krisis sa Ekonomiya]
	Danding Cojuangco namamayagpag pa rin: Nakapamamayagpag pa rin si Danding sa ilalim ng rehimeng Macapagal-Arroyo
	Kasunduang SMC-Kirin: Maniobra para konsolidahin ang kontrol ni Danding sa SMC
	Pinakamalaki sa kasaysayan ng papet na republika: Danding, nangangamkam ng lupa sa Isabela
	Mga Ulat Koresponsal: Rebolusyong agraryo, umaani ng tagumpay sa Isabela
	Mga Ulat Koresponsal: Ka Haren at Ka Baste: Rebolusyonaryong kagitingan sa harap ng kaaway
	Mga Ulat Koresponsal: Paglilinaw hinggil sa kalagayan ng mga bihag ng digma sa Dulong Timog Mindanao
	Pananalanta ng pasistang estado: Labing-isang buwang kalbaryo ng militarisasyon sa kanayunan
	Sa suporta ng imperyalismong US: Pinaiigting ang pananalakay ng Israel sa mamamayang Palestino
	Bunsod ng napakalubhang krisis: Pag-aalsa, sumiklab sa Argentina
	Balita