Mga Ulat Koresponsal:
Pakikibakang agraryo sa Cagayan at Isabela:
Kampanya sa pagpapataas ng presyo ng mais, tagumpay

Read this article in English

Araw ng palengke ang Oktubre 13. Maraming magsasaka ang nahikayat na sumama sa panawagang ibrinodkas ng istrimer na isinabit sa palengke ng Baggao: "Sumama sa kumprontasyon! Itaas ang presyo ng mais!" Noong Oktubre 14, sa pamumuno ng KAGIMONGAN (Alyansa ng mga Magsasaka sa Cagayan), hinarap ng mga magsasaka ang apat na lokal na komersyante-usurero upang igiit ang mga sumusunod na kahilingan:

1. pahintulutang pumasok ang ibang komersyante sa Baggao;
2. ibaba ang interes ng pautang mula P250 sa bawat P1,000 kada buwan (katumbas ng 25% interes kada buwan, 150% kada anihan o 300% kada taon) tungo sa 25 kilong mais o P175 sa kada P1,000 sa bawat anihan (katumbas ng 17.5% kada anihan o 34% kada taon). Sa gayon, mababawasan nang halos 89% ang interes na binabayaran ng mga magsasaka.
3. huwag nang pabayaran ang interes sa mga sinalanta ng kalamidad�ibig sabihin, prinsipal na lamang ang babayaran sa susunod na anihan;
4. magkaroon ng negosasyon bago mag-embargo ng pag-aari ng magsasakang di makapagbayad ng utang.

Malalaking tagumpay ang nakamit ng mga magsasaka sa sama-sama nilang pagkilos at pagpupursigi sa pakikiharap sa mga komersyante-usurero upang igiit ang kanilang kahilingan.

Subalit hindi naging madali ang pagkamit ng tagumpay. Sunud-sunod na pulong ang idinaos ng mga magsasaka upang pagtibayin ang kanilang hanay at pagkaisahan ang kanilang mga hakbang.

Sa unang pakikipagdayalogo sa mga komersyante na itinakda ng mga magsasaka noong Oktubre 5 ay wala ni isang humarap sa kanila.

Nagpulong muli ang mga magsasaka at nag-iba ng taktika �- isa-isa nilang pinuntahan ang mga komersyante-usurero at mas malaking bilang ang humarap, hindi na lamang ang mga lider-magsasaka. Una nilang pinuntahan si Sofronio Calimaran, pinakamalaking komersyante-usurero na sumasaklaw sa Sto. Domingo, Baggao. Hindi siya pumayag na itaas ang presyo ng mais. Noong Oktubre 7, hinarap nila si Nena Caculitan, isa ring komersyante-usurero. Pumayag siyang itaas ang presyo mula P6.30 tungong P6.70 kada kilo.

Muling nagpulong ang mga magsasaka upang ibwelo ang kampanya. Nanawagan sila para sa malawakang pulong-kumprontasyon sa lahat ng mga komersyante-usurero sa Baggao at mobilisasyon sa Tuguegarao City. Ikinasa nila ang pagpapatindi ng kampanya na itinaon sa Linggo ng mga Magsasaka noong Oktubre 13-17, 2002.

Sa Tuguegarao City, sinubukan ng mga magsasaka na makipagdayalogo sa mga upisyal ng prubinsya sa kapitolyo ngunit walang humarap sa kanila. Nagpadala naman sila ng delegasyon sa Tuguegarao upang kumprontahin si Magno Y. Lim, isang komersyanteng may operasyong saklaw-prubinsya.

Sa kumprontasyon, pumayag si Lim na itaas ang presyo ng mais hanggang P7.00/kilo at ilibre ang transportasyon mula Baggao. Dahil dito, napilitan na ring pumayag ang apat pang komersyanteng taga-Baggao na itaas ang presyo ng binibili nilang mais mula sa mga magsasaka.

Pebrero 2003
Edisyong Pilipino

	Editoryal: Para sa pagsuporta nito sa pang-uupat ng gera sa Iraq Pagbayarin ang rehimeng Macapagal-Arroyo!
	Malawak ang pandaigdigang pagtutol sa pananalakay sa Iraq
	Mga tampok na kilos protesta
	Mga kilos-protesta sa Pilipinas laban sa bantang gera ng US sa Iraq, lumalawak
	Ang kriminal at kontra-rebolusyonaryong si Romulo Kintanar, pinarusahan
	Macapagal-Arroyo, hayagan nang pumabor sa cha-cha
	Pandaraya sa mga estadistikang pang-ekonomya, nabunyag
	Ang krisis na ikinukubli ng pandirigma ni Bush
	Mga Ulat Koresponsal: Pakikibakang agraryo sa Cagayan at Isabela: Kampanya sa pagpapataas ng presyo ng mais, tagumpay
	Mga Ulat Koresponsal: Lupang inagaw, binawi ng mga magsasaka sa Isabela
	Mga Ulat Koresponsal: Kampanyang magsasaka sa Ilocos Region, lumalawak
	Mga Ulat Koresponsal: Paano binawi ni Mang Ador ang kanyang lupa
	Dekada '70: Pelikulang may panlipunang kabuluhan
	Balita
	Bilang pagtutuwid Mensahe sa mga manggagawa ng PLDT
	Pagtutuwid