Matatagumpay na TO:
Tatlong tropa ng militar, pinatay ng dating mandirigma ng BHB

Read this article in English

Tatlong tropa ng 80th IB ng Philippine Army ang pinagbabaril hanggang sa mapatay ng dating Pulang mandirigma na si Armando dela Cruz noong Enero 28 sa Sityo Angelo, Barangay Lumutan, Tanay, Rizal. Nangyari ito habang nasa kalagitnaan ng kanilang operasyong militar ang mga sundalo. Nakilala ang tatlong pinatay na sina Cpl. Lacambra, PFC Morales at PFC Jobelado.

Si dela Cruz ay mapayapang namumuhay sa kanilang lugar nang siya ay pwersahang pasukuin ng militar noong 2003. Ginawa siyang giya sa mga operasyong militar laban sa BHB. Labag ito sa kanyang kagustuhan dahil nagdudulot lamang ng kapinsalaan sa buhay at kabuhayan ng mga magsasaka at katutubo ang mga operasyong militar na ito, ayon kay Armando �Ka Ruben� Guevarra, tagapagsalita ng Narciso Antazo Aramil Command (NAAC) ng BHB-Rizal.

Labis din ang pang-aabusong dinanas ni dela Cruz sa kamay ng mga abusadong militar sa pangunguna ng kanyang handler na si Cpl. Lacambra. Dahil dito, nagpasya siyang tumakas. Binaril niya ang tatlong sundalo nang isama siya sa operasyon at agad siyang umugnay sa BHB, bitbit ang mga armas ng tatlong tropa. Sa ngayon ay nasa pangangalaga siya ng BHB at nasa teritoryong saklaw ng demokratikong gubyernong bayan, ligtas sa operasyon ng militar.

Ayon sa NAAC, ang pagpatay ni dela Cruz sa tatlong elemento ng militar ay patunay na bigung-bigo ang AFP sa layunin nitong kabigin ang mga damdamin at isipan ng mamamayan.

21 Pebrero 2005
Edisyong Pilipino

	Editoryal: Labanan ang mga pasistang hakbang ng rehimeng US-Arroyo
	Matatagumpay na TO: 33 sundalo, napatay sa mga opensiba sa Compostela Valley at Isabela
	Matatagumpay na TO: Sa Southern Luzon
	Matatagumpay na TO: Tatlong tropa ng militar, pinatay ng dating mandirigma ng BHB
	NAHRA, RPA-ABB: Mga tagapagsalita ng pasistang rehimen
	Sabwatang Arroyo-Marcos-Akbayan: Katarungan para sa mga biktima ng batas militar, hinaharang sa kongreso
	Sabwatang Arroyo-Marcos-Akbayan: Maniobra ng mga magnanakaw
	Kalagayan ng mga manggagawang bukid sa buong kapuluan
	Makauring tunggalian sa Hacienda Luisita
	Pakikiramay: Alay ng mga makata sa mga magsasaka ng Hacienda Luisita: Pagdamay, pakikiisa, paglaban
	Sa Ibayong Dagat: Imperyalistang agresyon sa Middle East Iran, isusunod na?
	Sa Ibayong Dagat: �Outposts of tyranny� at iba pang katha ng guniguni ni Bush
	Sa Ibayong Dagat: Deklarasyon ng batas militar sa Nepal, tinututulan
	Sa Ibayong Dagat: Umiigting ang armadong pakikibaka sa Colombia