Krisis pang-ekonomiya:
Mahirap ang buhay ng mga DH sa Hongkong

Read this article in English

Mula Nobyembre 2002, puspusan nang nilalabanan ng mga domestic helper (DH) sa Hongkong na galing sa Pilipinas, Thailand, Sri Lanka, Nepal at Indonesia ang pinakabagong kontra-manggagawang pakana ng gubyerno rito. Sa panahong ito, binalak ng Hongkong na simulan ang pagpapataw ng HK$500-750 (P3,250-P4,875 sa palitang P6.50=HK$1) buwis sa sahod ng mga DH. Noong Disyembre, mahigit 5,000 DH mula sa 100 grupo ng mga migranteng Asyano ang nagmartsa sa mga lansangan ng Hongkong. Nangako ang mga DH na masusundan pa ito ng mas malaki, mas madalas at mas malawak na mga protesta kung hindi iaatras ng gubyerno ng Hongkong ang panukala. Pinangunahan ito ng Asian Migrants Coordinating Body at United Filipinos in Hongkong.

Mariing tinututulan ng mga DH ang panukala dahil lalo lamang nitong kakainin ang kakarampot na sahod na tinatanggap nila kapalit ng halos 24-oras, pitong-araw na serbisyo nila sa mga pamilya ng Hongkong. Sa isang pag-aaral na isinagawa ng Mission for Filipino Migrant Workers (MFMW), sa kabuuang HK$3,670 hanggang HK$4,119 na tinatanggap ng ordinaryong DH, 66% (P15,971) nito ay ginagastos ng mga DH para sa kanilang mga pinansyal na pangangailangan sa loob ng Hongkong. (Tingnan ang tsart)

Saan napunta ang sahod?

Pinagkunan: Mission for Filipino Migrant Workers

Aabot lamang sa HK$1,278.35/buwan (P8,307) o HK$42.91/araw (P278.90) ang regular na naipapadala ng isang DH sa kanyang pamilya sa Pilipinas. Napakaliit nito kumpara sa mahigit P500/araw o P15,000/buwan na pangangailangan ng isang pamilya sa Pilipinas.

Enero 2003
Edisyong Pilipino

	Editoryal: Lahatang-panig na isulong ang rebolusyon!
	Rebolusyonaryong pagbubuwis: Isang lehitimong gawain sa paggugubyerno
	Matatagumpay na opensiba ng BHB
	(ero)Planong 747: Bagong bansag sa lumang gimik
	(ero)Planong 747: Bagong bansag sa lumang gimik Mga pantastikong laman ng Plan 747
	Krisis pang-ekonomiya: Ilang estadistika ng krisis
	Krisis pang-ekonomiya: Salbabida
	Krisis pang-ekonomiya: Mahirap ang buhay ng mga DH sa Hongkong
	Mga maniobra ni Macapagal-Arroyo hanggang 2004 at lampas pa rito
	Karanasan sa Maynilad: Kabulukan ng patakarang pribatisasyon
	Karanasan sa Maynilad: Mga pangakong napako
	Pasismo ng Estado
	Pasismo ng Estado: "Huwarang berdugo"
	Pasismo ng Estado: Pagkamatay ng mga peryodista, pinaiimbestigahan ng Amnesty International
	Pasismo ng Estado: UN Rapporteur, nagulantang sa laganap na paglabag sa mga karapatan ng mga pambansang minorya
	Lumalaganap ang mga kritikal na dokumentaryong video
	Mga Balita