feedback | subscribe | q&a | sitemap | links

Balita:
Sektor ng transportasyon, di natinag sa banta ni Arroyo

Mahigit 500,000 drayber sa 24 prubinsya

at lunsod ang naglunsad ng "Tigil-Pasada" sa buong bansa nitong Marso 1-2 sa pamumuno ng PISTON-KMU at STOP (Samahan ng mga Tsuper at Operator ng Pilipinas). Pinaralisa nito ang 80-99% ng mga ruta ng transportasyon sa Central Luzon (Bataan, Zambales, Pampanga, Tarlac, Nueva Ecija, Bulacan at Pangasinan), Southern Tagalog (Laguna, Cavite, Batangas at Lucena City), Bicol (Legazpi City, Naga City at iba pang lugar sa Camarines Sur), Visayas (Cebu City, Bacolod City at iba pang lugar sa Negros Occidental), Mindanao (mga syudad ng Davao, Cagayan de Oro at Cotabato) at Metro Manila (San Juan, Marikina, Pasig, Baclaran, Valenzuela City at Alabang).

Naglunsad naman ng mga suportang kilos protesta sa iba't ibang "strike centers" ng mga nagwewelgang drayber ang Bagong Alyansang Makabayan (BAYAN), Bayan Muna, Anak Pawis, Gabriela Women's Party, Migrante at Anak ng Bayan.

Iginigiit ng mga drayber ang P1.50 dagdag sa pasahe at pag-atras sa presyo ng langis. Bunga ng kanilang pagkilos, napilitang magbigay ng pisong diskwento nitong Marso 5 ang Petron, Shell at Caltex kada litro ng krudo sa mga istasyon ng gasolina sa Metro Manila at mga prubinsya.

Nakukulangan ang mga tsuper sa napakaliit at temproraryo lamang na diskwentong napiga mula sa mga kumpanya ng langis sa presyo ng krudo.

Mula nang ipatupad ang deregulasyon sa presyo ng langis noong Abril 1996 hanggang nitong umpisa ng 2004, nagkaroon ng 58 ulit na pagtataas sa presyo ng langis na nagresulta sa 224% abereyds na pagtaas ng presyo ng mga produktong petrolyo. Samantala, ipinako ng gubyerno ang pasahe, kaya't solong binabalikat ng mga tsuper ang pagtaas sa presyo ng krudong konsumo nila at tuluy-tuloy na lumiit ang kanilang kita.

Ayon sa IBON Databank, ang gastos kada araw para sa isang karaniwang pamilya sa Metro Manila ay mahigit P560 samantalang kumikita lamang ang isang tsuper ng P160 sa bawat 12 oras na pasada.

07 Marso 2004
Edisyong Pilipino

	Editoryal: Mulatin, organisahin at pakilusin ang kababaihan para sa rebolusyon!
	Ang kalagayan ng kababaihang manggagawa
	Panayam kay Salud Roja, tagapagsalita ng PKP-Central Luzon
	Paramihin ang Pulang mandirigmang kababaihan
	Ka Elena, kumander
	Ka Jiji at Ka Alex: kabataang kababaihang mandirigma
	Ang Makabayang Kilusan ng Bagong Kababaihan
	Pagtatayo ng balangay ng MAKIBAKA sa Kamaynilaan
	Matatagumpay na opensiba ng BHB: Mga sundalo, nabihag ng BHB
	Matatagumpay na opensiba ng BHB: Iba pang taktikal na opensiba, inilunsad mula Pebrero hanggang Marso
	Matatagumpay na opensiba ng BHB: Congressman ng Isabela, sinita ng BHB:
	Matatagumpay na opensiba ng BHB: Ambus kay Congresswoman Sato, isang mariing babala
	Sa ibayong dagat: Bakod ng Israel sa teritoryo ng Palestine
	Balita: Sektor ng transportasyon, di natinag sa banta ni Arroyo

Ang Bayan is the official news organ of the Communist Party of the Philippines issued by the CPP Central Committee. It provides news about the work of the Party as well as its analysis of and standpoint on current issues.

AB comes out fortnightly. It is published originally in Pilipino and translated into Bisaya, Ilokano, Waray, Hiligaynon and English.

Acrobat PDF files of AB are available online for downloading and offline reading printing. If you wish to receive copies of AB via email, click here.

Balita:Sektor ng transportasyon, di natinag sa banta ni Arroyo

Balita:
Sektor ng transportasyon, di natinag sa banta ni Arroyo