Karamihan sa mga Amerikano, tutol sa gerang agresyon sa Iraq

Read this article in English

Tutol ang karamihang Amerikano ngayon sa inilulunsad na gerang agresyon ng US laban sa Iraq. Ito ang opinyong nakasaad sa dalawang magkahiwalay na sarbey na inilathala nitong Enero 18. Kabaligtaran ito sa paniniwala ni Pres. George W. Bush na ang muling paghalal sa kanya bilang pangulo ng US ay pagpapakita ng suporta ng mga Amerikano sa gera sa Iraq.

Ipinapakita sa sarbey ng Washington Post/ABC News na 55% ng mga Amerikano ang naniniwalang mali ang paglulunsad ng gera laban sa Iraq samantalang 44% ang nag-aapruba nito. Limampu't limang porsyento (55%) ng mga Amerikano ang hindi naniniwala na magiging istable na ang gubyerno sa Iraq pagkatapos ng eleksyon. Halos ganito rin ang sarbey ng USA Today/CNN/Gallup kung saan 52% ng mga Amerikano ang hindi pabor sa pagpapadala ng mga mapanakop na tropa sa Iraq.

Samantala, inulan ng batikos ang maluhong inagurasyon ni Bush nitong Enero 20. Aabot sa $60 milyon ang gastos para sa siyam na selebrasyon. Dalawampung milyong dolyar ($20 milyon) dito ay para tiyakin ang seguridad sa White House. Aabot sa 6,000 unipormado at di-unipormadong pulis at 2,500 sundalo ang ipinakat sa Washington D.C. dahil sa laki ng bilang ng mga demonstrador na tutol kay Bush.

21 Enero 2005
Edisyong Pilipino

	Editoryal: Pamunuan ang nabubuong nagkakaisang prenteng anti-Arroyo!
	Mga buladas ni Arroyo
	Col. Sebastian, pusakal na pasista at war criminal, pinarusahan ng BHB
	Rebolusyonaryong pagsulong sa Quezon
	Pulang pagdiriwang
	Kalagayan ng mga magbubukid at manggagawang bukid sa mga tubuhan ng Batangas
	US Armed Forces, nakaunipormeng halimaw
	Pasistang kontratista
	Paghahanap ng WMD sa Iraq, itinigil na ng US
	Karamihan sa mga Amerikano, tutol sa gerang agresyon sa Iraq
	Matatagumpay na opensiba ng BHB: Ilang tampok na taktikal na opensiba sa Mindanao
	Balita