Mga Ulat Koresponsal:
Ang AFP at PNP ang pinakamalalaking sindikato sa droga sa bansa

Read this article in English

Sa isang pahayag ng Chadli Molintas Command (CMC) ng Bagong Hukbong Bayan sa Ilokos-Kordilyera nitong Hulyo 9, mariing kinundena nito ang sistematikong kampanyang paninira nina Arroyo at ng AFP at PNP sa Bagong Hukbong Bayan at pagsasabing ito ang nasa likod ng pagtatanim ng marijuana. Sa pamamagitan nito, sinisikap lamang ni Arroyo at ng AFP-PNP na pagtakpan ang pagkakasangkot ng AFP-PNP sa mga sindikato sa droga.

Sinabi ng CMC na sa katunayan, ang mga plantasyon ng marijuana sa Benguet ay sinimulan ni Gen. Reynaldo Acop, dating hepe ng PNP Cordillera Regional Command at ipinagpapatuloy ng mga humalili sa kanya. Sa Kalinga naman, ang Cordillera People�s Liberation Army, isang pwersang paramilitar na pormal nang isinanib sa AFP, ang nagmamantine ng mga plantasyon. Ito ay lantad na lantad at mapatutunayan ng masa sa mga lugar na ito, anang CMC.

Sa pambansang saklaw, iniulat mismo ng Presidential Task Force on Intelligence and Counter- intelligence na libu-libong pwersa ng AFP at PNP ang myembro ng 507 sindikato sa droga at ang mga upisyal-militar nila ay kumikita ng P50 bilyon taun-taon mula sa pagbebenta ng drogang kanilang nasasamsam at pagtatanggap ng protection money mula sa mga sindikato sa droga. Bukod sa hweteng, ang pangangalakal ng iligal na droga ang isa sa nangungunang pinagmumulan ng di maipaliwanag na yaman ng mga pinuno ng AFP at PNP.

Anang CMC, hindi marijuana ang itinatanim ng BHB kundi rebolusyonaryong kamulatan at ang militanteng paggigiit ng mga demokratikong karapatan ng mamamayan. �Ang BHB ay isang disiplinadong hukbo. Kinasusuklaman at itinatakwil nito ang burgis na kabulukan, kabilang ang pag-abuso sa droga, sugal, prostitusyon at iba pang anti-sosyal na aktibidad na likas sa mga bulok na sistemang panlipunan tulad ng kapitalismo at sa mga malapyudal na lipunan tulad ng sa Pilipinas.�

Sinabi rin ng CMC na sa mga lugar kung saan nagtatanim ng marijuana ang masa, inilulunsad ang masiglang kampanyang pang-edukasyon para iwanan ng masa ang ganoong praktika at para matutunan nilang rebolusyon at hindi pagtatanim ng marijuana ang solusyon sa kanilang kahirapan. Naglulunsad rin ang rebolusyonaryong kilusan ng rebolusyonaryong reporma sa lupa at iba�t ibang mga sosyo-ekonomikong programa para magkaroon ng alternatibong hanapbuhay ang mga magsasaka.

21 Hulyo 2003
Edisyong Pilipino

	Editoryal: Labanan at biguin ang panunupil sa ligal na demokratikong kilusan
	Karahasan at pandaraya sa eleksyon sa Isabela
	Mga lider-magsasaka sa Cagayan, tinangkang patayin ng 41stIB
	Tumitindi ang giriang Cojuangco-Arroyo
	Matatagumpay na opensiba ng BHB
	Mga Ulat Koresponsal: Pagbubuo ng balangay ng MAKIBAKA sa isang baryo sa Bikol
	Mga Ulat Koresponsal: Paglaban sa iligal na droga sa Eastern Visayas
	Mga Ulat Koresponsal: Ang AFP at PNP ang pinakamalalaking sindikato sa droga sa bansa
	Mga Ulat Koresponsal: 3 elemento ng RHB, nilitis sa hukumang Bayan
	Obispo ng Mahihirap
	Mabababang upisyal at karaniwang kawal ng AFP, ligalig
	Sa ibayong dagat: Papalalang kundisyon ng ekonomya ng US
	Balita