Mga Ulat Koresponsal:
Pahayag ng PKP-Northeastern Luzon sa Ika-35 anibersaryo ng Partido:
Rumaragasa ang kilusang masa

Read this article in English

Ipinagbunyi ng masa at mga kasama sa Northeastern Luzon sa ika-35 anibersaryo ng Partido ang malalaking tagumpay ng rebolusyonaryong kilusan sa rehiyon, laluna sa pagsusulong ng kilusang masa. Inilahad sa pahayag ng Komiteng Rehiyon ng PKP noong Disyembre 26 ang mahahalagang pagsulong ng mga gawain ng Partido, Bagong Hukbong Bayan at rebolusyonaryong kilusan sa rehiyon.

Noong 2003, anito, humugos ang mga magsasaka sa kabayanan para sa malawakang kampanya ng pagpawi o pagbawas sa usura. Naibaba sa kalahati o halos kalahati ang umiiral na interes sa pautang sa 300 baryo sa 10 bayan at humigit-kumulang 300,000 o 55,000 pamilya ang nabenepisyuhan. Kumilos ang 5,000 magsasaka sa 130 baryo.

Hindi lamang ang mga kasapi ng mga organisasyon ng magsasaka ang nabenepisyuhan ng pagbaba ng interes kundi lahat ng magsasakang umuutang sa mga komersyante-usurero. Naipagtagumpay din ang dating akala'y imposible�na hindi na tanging sa pinagkautangan lamang makapagbebenta sa mas mababang presyo ang mga magsasaka. Nakagaan din sa masa ang pag-alis ng pandaraya sa bentahan at pagbaba ng bayad sa pagbibyahe ng produkto.

Ang malalaking tagumpay ay nagsimula sa antas sityo at baryo na pagkilos�pagpapababa ng upa sa lupa, pagpapataas ng sahod ng manggagawang bukid sa pamamagitan ng pagdaragdag ng P10-P30 bawat araw, paglaban sa pagpapatalsik sa mga kasam�, pagpapababa ng bayad sa irigasyon, pagpapababa ng presyo ng bilihin sa mga tindahan sa baryo, at paglutas sa marami pang ibang problema ng masa. Sa naipong maliliit na tagumpay at sa nakitang sigla at kahandaan ng masa na kumilos sa gitna ng mga operasyon ng kaaway, lalong lumakas ang tiwala na kakayanin pa ang mas malalaking laban.

Kabilang sa mga tagumpay ang pagsusulong ng pakikibaka laban sa pangangamkam ng lupa at laban sa pagpapalayas ng mga magsasaka sa matagal nang pinagyamang lupain para minahin ng mga imperyalista at ni Gob. Faustino Dy ang murang karbon dito.

Lumawak ang inabot ng rebolusyonaryong propaganda. Sa iba't ibang paraan ay nakakaabot ito sa masang magsasaka at panggitnang pwersa. Nagagalak ang masa kapag naririnig nila na mapangahas at matalas na tinatalakay sa midya ng kanilang kapwa magsasaka at ng mga lider masa at panggitnang pwersa ang kanilang mga problema, mga kahilingan at panig sa mga isyu. Maging sila'y tumatapang nang magsalita, sumagot at sumulat sa radyo at tumitimo sa kanilang isipan na wala nang ibang paraan kundi ipaglaban ang karapatan.

Nadoble ang laki ng baseng masa. Natriple ang bilang ng kabuuang organisadong masa, laluna ng mga organisadong kababaihan at kabataan.

Sa gawaing militar, narinig ang putok ng mga taktikal na opensiba sa lahat ng mga larangan. Di bababa sa 50 ang patay sa kaaway noong 2003. Lima namang Pulang mandirigma sa rehiyon ang nagbuwis ng buhay.

Higit na lumaki ang BHB sa Northeastern Luzon mula noong 1999 at tuluy-tuloy itong kinokonsolida ng Partido. Pinakamalaki ang bilang ng mga Pulang mandirigmang nagtapos ng Intermedyang Kurso ng Partido noong 2003.

Anang PKP-Northeastern Luzon, ang mga pagsulong na ito ay alay sa masa ng rehiyon, sa mga martir ng bayan at sa mga ordinaryong mandirigma at kadre ng hukbong bayan. Pursigido itong palakihin pa ang hukbong bayan, dagdagan ang mga pormasyon, palawakin at dagdagan ang mga larangang gerilya at paramihin ang mga aktibista, kasapi at sangay ng Partido sa lokalidad.

"Sa gabay ng nakatataas na organo, sa walang maliw na sigasig sa rebolusyon ng masa sa mga larangang gerilya, lumalaki at lumalakas ang ating kilusan. Ang nakita nating pagragasa ng kilusang masa at nasimulang putok ng mga yunit gerilya ay hudyat ng mas malalaki pang pagragasa sa susunod na mga taon."

07 Enero 2004
Edisyong Pilipino

	Editoryal: Walang habas na oportunismo at kabulukan
	Editoryal: Paigtingin ang pakikibakang anti-imperyalista, antipyudal at antipasista
	Editoryal: Patuloy na itinutuwid ng Partido ang mga kamalian sa mga kampanyang anti-impiltrasyon noong dekada 1980
	Mga Ulat Koresponsal: Pangingibabaw sa konserbatismo: Sumusulong ang armadong rebolusyon sa Central Luzon
	Mga Ulat Koresponsal: Mula sa Southern Tagalog: Patuloy na pagsulong sa ST sa harap ng matinding pananalakay ng rehimen
	Mga Ulat Koresponsal: Pahayag ng PKP-Northeastern Luzon sa Ika-35 anibersaryo ng Partido: Rumaragasa ang kilusang masa
	Sa Ibayong Dagat: Patuloy ang paglala ng krisis sa US
	Sa Ibayong Dagat: Matindi ang demoralisasyon ng mga sundalong Amerikano sa Iraq
	Balita