Sa ibayong dagat:
Papalalang kundisyon ng ekonomya
ng US

Read this article in English

Nitong Hunyo, tumaas ang tantos ng disempleyo sa US nang 6.4%, pinakamataas sa loob ng siyam na taon. Tanda ito na nagpapatuloy pa ang kasalukuyang resesyon ng imperyalistang ekonomya na nagsimula noon pang Marso 2001, taliwas sa matagal nang inaasam ng mga pinuno at negosyante sa US na muling makaaahon na ang ekonomya ng US simula 2003.

Karamihan ng mga nasisante ay mula sa sektor ng manupaktura� salamin ng dumadausdos na produksyong industriyal ng bansa. Sa katunayan, umaabot na lamang sa 74.3% ang nagagamit na kapasidad ng mga pabrika sa US, pinakamababa sa loob ng 19 na taon. Maramihan din ang tanggalan sa mga kumpanya ng airlines at mga kumpanya sa �bagong ekonomya� tulad ng telekomunikasyon at internet. Ang ganitong kalaki at tuluy-tuloy na pagkawala ng trabaho sa US ay huling naganap noon pang 1980-83 at, mas maaga pa, noong 1956-58.

Kaalinsabay nito, lalo ring lumalala ang depisit sa kalakalan ng US. Noong Mayo, umabot na sa $418 bilyon ang depisit sa balanse ng kalakalan dulot ng paghina ng eksport at paglaki ng halaga ng inaangkat na langis.

Ang patakarang pang-ekonomya ng rehimeng Bush ay nagdudulot din ng papalaking depisit sa pambansang badyet. Nilustay ng rehimeng Bush ang dinatnan nitong $334 bilyong surplas ng gubyernong US at sa loob lamang ng tatlong taon ay humantong na ito sa netong depisit na $455 bilyon�nangangahulugan ng kabuuang aktwal na depisit na $789 bilyon. Kahit ang netong depisit na $455 bilyon ay pinakamalaki na sa buong kasaysayan ng US.

Sanhi nitong papalalang depisit ang: 1) walang pakundangang paggastos sa militar at paglulunsad ng mga gera ng US at pagmamantine ng mga pwersang pang-okupasyon sa Iraq at, bago nito, sa Afghanistan; 2) pagpabor sa pinakamalalaking kumpanyang US sa pamamagitan ng pagkaltas sa binabayaran nilang buwis; at 3) malawakang tanggalan ng mga manggagawa at pagbawas sa subsidyo para sa mahihirap na nagreresulta sa pagkitid ng pamilihan at base ng nagbabayad ng buwis.

Tinatayang umabot na sa $48 bilyon ang nagastos sa pagsalakay at pagsakop sa Iraq at nadaragdagan pa ng $5 bilyon kada buwan ang gastusin ng US para sa patuloy na okupasyon ng Afghanistan at Iraq para lamang sa taong ito. Nagkakahalaga naman ng $330 bilyon ang buwis na di na pinabayaran ni Bush sa malalaking kumpanyang ginawaran ng tax exemptions at tax breaks.

21 Hulyo 2003
Edisyong Pilipino

	Editoryal: Labanan at biguin ang panunupil sa ligal na demokratikong kilusan
	Karahasan at pandaraya sa eleksyon sa Isabela
	Mga lider-magsasaka sa Cagayan, tinangkang patayin ng 41stIB
	Tumitindi ang giriang Cojuangco-Arroyo
	Matatagumpay na opensiba ng BHB
	Mga Ulat Koresponsal: Pagbubuo ng balangay ng MAKIBAKA sa isang baryo sa Bikol
	Mga Ulat Koresponsal: Paglaban sa iligal na droga sa Eastern Visayas
	Mga Ulat Koresponsal: Ang AFP at PNP ang pinakamalalaking sindikato sa droga sa bansa
	Mga Ulat Koresponsal: 3 elemento ng RHB, nilitis sa hukumang Bayan
	Obispo ng Mahihirap
	Mabababang upisyal at karaniwang kawal ng AFP, ligalig
	Sa ibayong dagat: Papalalang kundisyon ng ekonomya ng US
	Balita