Sa ika-50 taong anibersaryo ng tagumpay ng demokratikong rebolusyon sa Tsina
Ang sosyalistang transpormasyon ng kanayunan at pagbabaligtad nito

Read this article in English

Nang binaklas ng rebisyunistang rehimen ang mga kooperatiba at komuna sa Tsina simula 1978, pinakawalan nito ang mga pwersa sa kanayunan na muling gumapos sa masang magsasakang Tsino sa pangaapi, kahirapan at kagutuman. Sa kasalukuyan, naghahari ang pag-aari at mga pribilehiyong pribado na nagbibigay ng kalayaan sa isang maliit na seksyon na magsamantala sa nakararaming magsasaka at nagbubunsod ng malawak na di pagkakapantay-pantay sa kanayunan.

Kasabay ng paglulubos ng reporma sa lupa simula noong 1949, agad na isinakatuparan ng demokratikong gubyerno sa Tsina ang hakbang-hakbang na sosyalistang transpormasyon ng agrikultura laluna sa Hilaga-Silangang bahagi ng Tsina. Ipinundar ang mga kooperatiba

Ang kooperatibang sistema sa produksyon, ang sama-samang pagpapaunlad ng malalawak na lupain, ang nagbigay-daan sa malawakang mekanisasyon at paglaki ng produksyon sa agrikultura. Inilatag nito ang batayan para sa mahigpit na pagkakaisa ng kalunsuran at kanayunan, ng mga manggagawa at magsasaka. Nalibre ang malaking pwersa sa paggawa sa kanayunan upang makapagpundar ng mga industriyang magaan para sa produksyon ng mga kagamitang pangkonsumo at malalaking pampublikong proyektong pang-imprastruktura na higit na bumwelo simula 1959 sa Dakilang Igpaw Pasulong o ang Great Leap Forward.

Nagkaroon ng lahatang-panig na pagsulong sa kanayunan. Nakamit ito alinsunod sa panawagan ni Tagapangulong Mao Zedong na �panghawakan ang butil bilang susing kawing, at isakatuparan ang pagaalaga ng hayop, pagpapaunlad ng kagubatan, pangingisda at mga pantulong na hanapbuhay upang lumikha ng lahatang-panig na kasaganaan sa kanayunan�.

Ang mga tagumpay sa rebolusyonaryong pagpapanibagong-anyo ng kanayunan ng Tsina sa ilalim ng diktadura ng proletaryado ay winaldas ng rebisyunistang rehimen sa pamamagitan ng mga patakarang nakatuon sa pagbabalik ng karapatang magkaroon at magpalawak ng pribadong pag-aari.

Tinalikdan ang sosyalistang transpormasyon ng agrikultura at ibinunsod ang tinaguriang �kontrata sa pamilya� at �sistemang responsibilidad�. Sa iskemang ito, ang pangangasiwa at pagpapaunlad sa mga lupaing �pag-aari ng estado� ay isinasabalikat ng mga indibidwal na pamilyang kinokontrata na magbenta sa estado ng takdang dami ng butil sa presyong itinakda rin ng estado; habang ang sobrang produkto ay para sa kanilang sariling pakinabang. Bagamat sa pangalan ay nanatiling pag-aari ng estado ang mga lupain, sa esensya ay ipinailalim ang mga ito sa pribadong kontrol ng mga indibidwal at pamilya. Katunayan, ang mga kontratang ito ay maaaring ipamana.

Sa utos ng rebisyunistang rehimen, pwersahang binaklas ang mga kolektibo at komuna. Winasak nito ang pagkakaisa ng mga magsasaka at nagbunsod ng malawak na kahirapan sa kanayunan.

Sa pamamahagi ng mga kontrata, nabiyayaan ang malalapit na kaibigan at kamag-anak ng mga lokal na upisyal o kaya yaong mga nakapagbigay ng mas malalaking suhol. Sa unang taon pa lamang ng �sistemang responsibilidad�, mahigit 30% na ng mga magsasakang dating myembro ng mga kolektibo at komuna ang napwera sa mga kontrata, at kalahati lamang sa bilang na ito ang nakakuha ng alternatibong hanapbuhay. Dahil sa pagkasira ng pagkakaisa ng industriya at agrikultura, ang sobrang suplay ng lakas-paggawa sa kanayunan ay di nasasalo sa industriya bagkus ay dumaragdag lamang ito sa napakalaki nang hukbo ng reserbang paggawa.

Ang malalawak na bukid na samasamang binungkal ng mga kolektibo ay hinati-hati sa hiwa-hiwalay na parsela at ipinabungkal sa mga indibidwal at pamilyang nabiyayaan ng kontrata. Dahil sa pagkakahati ng mga lupang sakahan, nawalan ng silbi at nangabulok ang malalaking makinaryang tulad ng traktora na angkop sa malalawak na bukid na nasa ilalim ng kolektibong pag-aari.

Bagamat sa mga unang taon ng paghaharing rebisyunista ay dumanas pa ng bahagyang pagsulong sa antas ng produksyon sa agrikultura, hindi dahil sa rebisyunismo, kundi bunga ng mga naitatag na imprastruktura ng mga kolektibo at komuna, sa kalaunan ay nahulog din sa istagnasyon ang produksyon ng butil. Noong mga huling taon ng dekada �80, puu-puong milyong mamamayan sa kanayunan ang dumanas ng kagutuman o masidhing kasalatan.

Ang pagbaklas ng mga kooperatiba at komuna at ang ibinungang pagsasaisantabi ng mekanisasyon ng agrikultura ay paghihiwalay ng industriya at agrikultura, ng kalunsuran at kanayunan, ng mga manggagawa at magsasaka. Winasak nito ang wastong relasyon ng agrikultura bilang saligan ng industriya. Dahil sa pagbalik sa maliitang antas pagbalik sa maliitang antas ng produksyon, nagsitaasan ang presyo ng produktong

Ang islogan ng rebisyunistang rehimen na �Mabilis na magpayaman!� at �Yayaman ang ilan bago ang iba� ay lalong nag-udyok ng pagkakahati-hati ng mamamayan. Nagsilbi itong lisensya upang samantalahin ng ilang binigyang-pribilehiyo ang kawalan ng higit na nakararaming di nakinabang sa pagbabaklas ng mga kolektibo. Tuluy-tuloy na nakonsentra sa kamay ng iilan ang papalawak na lupain. Kaakibat nito, nanumbalik ang pag-upa ng sahurang paggawa at iba pang anyo ng pagsasamantala.

Matapos ang mahigit dalawang dekada ng �modernisasyon� at mga �reporma�, umiiral ngayon sa kanayunan ng Tsina ang iba�t ibang anyo ng pinakaatrasadong mga gawi at sistema ng pagsasamantala.

Ang mga lokal na upisyal ng gubyerno ay tumitindig katulad ng lumang mga warlord at panginoong pyudal. Mayroon silang kalayaang magpataw ng mga buwis at iba�t ibang singilin alinsunod sa kanilang kapritso katulad ng mga singilin sa pagkuha ng lisensya, paggamit ng kalsada at kung anu-ano pa. Laganap din ang panguusura na nagsasamantala sa masidhing kasalatan ng mga naghihirap na magsasaka.

Dahil sa pagbasura sa kolektibisasyon at mekanisasyon at dahil muling ibinatay sa mga indibidwal na pamilya ang produksyon, binibigyang importansya ngayon ang pagkakaroon ng anak na lalaki na magsisilbing dagdag na bisig sa pagtatrabaho sa lupa. Kayat nanumbalik ang mababang pagturing sa kababaihan na tampok noong panahon ng pyudal na Tsina. Lumalaganap din ang aborsyon at pagpatay sa mga babaeng sanggol.

Mula sa rebolusyonaryong kulturang nagtataguyod sa kapangyarihan at susing papel ng masa sa pagbabago ng lipunan, nanumbalik ang mistisismo at iba pang mga pyudal na paniniwala.

Tuluy-tuloy na bumabagsak ang bilang ng mga kabataang nakakapag-aral. Mahigit 70% ay hindi nakatatapos ng sekundaryong edukasyon dulot ng pangangailangang magtrabaho sa bukid at gayundin ng pagtaas ng mga kaakibat na gastusin sa pag-aaral.

Bunga ng sukdulang paghihirap at kaapihang dinaranas ng masang magsasaka, milyun-milyon sa kanila ang tumitindig upang labanan ang mga kinamumuhiang mga lokal na awtoridad. Noong 1996-97, dambuhalang mga demonstrasyon ng daan-daang libong magsasaka ang inilunsad sa Hubei, Anhui, Hunan at iba pang mga prubinsya. Ngunit dahil hindi pa ito naoorganisa sa isang depinidong kilusang rebolusyonaryo, ang mga paglaban na ito ay hindi pa nakalalagpas sa antas ng pagpapahayag ng mga hinaing hinggil sa mga pang-araw-araw na suliranin ng mga aping magsasaka. May mga pagkakataon na nauuwi ang mga ito sa mga riot at pandudumog sa mga bodega ng butil bunga ng masidhing desperasyon at kagutuman.

Gayunpaman, para sa rebolusyonaryong proletaryado, ang mga ito ay pawang palatandaan ng matabang lupa upang muling sumibol at matatag na sumulong ang rebolusyonaryong kilusan sa kanayunan na kailangang wastong samantalahin upang ipaglaban ang interes ng masang magsasakang Tsino.

00 Setyembre 1999
Edisyong Pilipino

	Editoryal: Lumalawak at lumalakas ang militanteng pakikibaka ng mga manggagawa
	Ang Bayan, sa internet
	Mga rali at welga sa Nobyembre 16: Patuloy na pag-igting ng pakikibaka para sa P125 dagdag sa sahod
	Deregulasyon sa industriya ng langis Sabwatan ng mga imperyalista, mga kartel ng langis at ng reaksyunaryong gubyerno
	Liham mula sa Rehiyong Ilokos-Kordilyera
	Ang usapin ng sesesyon at karapatan sa pagpapasya-sa-sarili ng mamamayang Moro
	Ika-50 taong anibersaryo ng tagumpay ng demokratikong rebolusyon sa Tsina
	Sa ika-50 taong anibersaryo ng tagumpay ng demokratikong rebolusyon sa Tsina Ang busabos na kalagayan ng mga manggagawa sa Tsina
	Sa ika-50 taong anibersaryo ng tagumpay ng demokratikong rebolusyon sa Tsina Ang sosyalistang transpormasyon ng kanayunan at pagbabaligtad nito
	Binabati ng mamamayang Pilipino ang mamamayan ng East Timor at tinutuligsa ang mga atake laban sa kanila ng mga pasistang Indones
	Hudyat sa ibayong pagsulong ng antipyudal na pakikibaka sa Timog Katagalugan Panimulang tagumpay sa pagpawi ng resikada
	Patuloy na paglulunsad ng mga taktikal na opensiba ng BHB-Bikol
	Balita