Mga Ulat Koresponsal
Depensiba sa Tarlac, naipihit tungong taktikal na tagumpay

Read this article in English

Nakapangibabaw ang mga Pulang mandirigma sa ilalim ng Nelson Mesina Command (NMC) ng Bagong Hukbong Bayan (BHB) sa isang depensiba sa Sityo Umangan, Barangay Balite, Pura, Tarlac. Naganap ang naturang labanan mula gabi ng Oktubre 10 hanggang Oktubre 11. Ito'y sa kabila ng isang laking-brigadang pwersa ng Philippine Army, Philippine Air Force at Philippine National Police na nagkordon at sumuyod sa walong ektaryang tubuhang pinagkukublihan ng BHB. Hinulugan ng mga kaaway ng mga bomba mula sa helikopter, ginamitan ng mga tangke, masinggan at dalawang sniffing dog ang mga Pulang mandirigma subalit nalusutan pa rin sila ng mga ito.

Wala ni isang gerilyang namatay, nasugatan o nahuli sa malawakang operasyon. Sa kabilang banda, 14 ang namatay at marami ang nasugatan sa hanay ng reaksyunaryong kaaway.

Mahusay na nagamit ng mga gerilya ang may kaliitang tubuhan para makapagdepensa at makapagmaniobra. Sa unang bugso pa lamang ng putukan, nabuwal na ang tatlong tropa ng Scout Rangers. Dahil sa maagang pagbagsak ng moral ng kaaway, mabilis na naagaw ng BHB ang inisyatiba sa labanan. Makaraan ang 30 minuto, tinamaan at napatay ang kumander ng umaasolt na Scout Rangers. Bunga nito, lalong bumagsak ang diwa at kakayahang lumaban ng militar.

Pagdating ng gabi, nakapagmaniobra sa pag-atras tungo sa baseng gerilya ang mga kasapi ng BHB. Nagamit nilang dagdag na kober ang malakas na buhos ng ulan upang makaalpas sa kordon ng kaaway. Sa kabilang banda, sumilong lamang ang mga bayarang tropa ng reaksyunaryong estado.

Labis namang ikinagalit ng mamamayan ng Pura at mga karatig-lugar ang sapilitang pagpapabakwit sa kanila ng militar at ang iligal na pagpasok at panghahalughog ng mga sundalo at pulis sa kabahayan, pambobomba, paninira sa mga tubuhan at pagnanakaw ng pagkain.

(Halaw sa Himagsik, rebolusyonaryong pahayagan ng Central Luzon)

21 Nobyembre 2004
Edisyong Pilipino

	Editoryal: Ituon ang makauring galit sa rebolusyonaryong pagbabagsak sa mga nagsasamantalang uri at buong naghaharing sistema
	Sigaw ng mga manggagawa sa Hacienda Luisita Di kami uurong
	Mga Ulat Koresponsal Depensiba sa Tarlac, naipihit tungong taktikal na tagumpay
	Tuluy-tuloy na binibigyang-sigla ng kabataan ang Partido at rebolusyonaryong kilusan
	40 taon ng Kabataang Makabayan
	Mga aral at tagumpay sa pagbubuo ng mga balangay ng Kabataang Makabayan
	Bukas na liham ni Ka Roger sa mga sundalo at pulis, pinalalaganap
	10 punto ng pagkilos ng mga armadong tauhan ng reaksyunaryong estado
	Mga tagumpay ng sosyalistang rebolusyon at konstruksyon sa China ng 1949-1976 Sagot sa krisis pang-ekonomya: Rebolusyon at sosyalistang konstruksyon
	Matatagumpay na opensiba ng BHB 10 tropa ng kaaway, napatay sa pakikipagsagupaan sa BHB ngayong Nobyembre
	Balita