Sa ibayong dagat:
Makasaysayang kumperensya sa Bandung, ginunita

Pinangunahan ng International League of People's Struggle (ILPS) ang paggunita sa ika-50 anibersaryo ng pagdaraos ng Bandung Asia-Africa Conference (BAAC) nitong Abril 13-14 sa Bandung, Indonesia. Ang paggunita, na dinaluhan ng mga kinatawan mula sa 14 na bansa at 40 organisasyong masa ay nagbigay-pugay sa 10 prinsipyo ng mapayapang ugnayan sa pagitan ng mga bansang naggiit ng kalayaan laban sa kolonyalismo. Ilan sa mga prinsipyong ito ang pagrespeto sa teritoryo ng bawat bansa, di pagsasalakayan, di panghihimasok ng mga bansa sa mga internal na usapin, pagkakapantay-pantay at kagalingan.

Dahil ang sitwasyon sa ekonomya, pulitika at militar ng mga atrasadong bansa ay mas masahol ngayon kaysa noong 1955, ang mga mamamayan ng mga atrasadong bansa ay lalong naghuhumiyaw para sa kalayaan sa pagsasamantala at pandarambong ng imperyalismo at globalisasyon. Bilang pagtaguyod sa pamana ng BAAC, pinagtibay ng mga nagsipagdalo ang pagpapatuloy ng pakikibaka para sa kasarinlan, pagpapasya-sa-sarili at kapayapaan laban sa imperyalistang gera at globalisasyon.

Ang BAC ay inilunsad noong Abril 1955 sa pangunguna nina Presidente Sukarno ng Indonesia at Premier Zhou Enlai ng China at dinaluhan ng 29 na bansa. Pinirmahan dito ang isang deklarasyon ng pagtutulungan ng mga bansang bagong laya sa kolonyalismo at lokal na naghaharing uri. Ito ay isang makasaysayang pagtitipon ng mga atrasadong bansa para labanan ang kolonyalismo, itaguyod ang pagkakaisa at pagtutulungan tungo sa pag-unlad batay sa mutwal na interes. Ang kumperensyang ito ang nagluwal sa Non-Aligned Movement noong 1961 na kinapalooban ng 77 atrasadong bansa. Kinatawan nila ang hinaing para sa kalayaan ng mga mamamayan sa buong mundo laban sa imperyalismo at digmaang nukleyar.

07 Mayo 2005
Edisyong Pilipino

	Editoryal: Palawakin ang antipasistang pagkakaisa
	National ID, Anti-terrorism Bill mga pakana ng US
	Pananalanta ng Pasistang Estado: Ang brutal na gera ng rehimeng US-Arroyo
	Pananalanta ng Pasistang Estado: Mistulang batas militar sa Samar
	Pananalanta ng Pasistang Estado: Aktibistang pangkapayapaan, iligal na ikinulong
	Matatagumpay na Opensiba ng BHB: Philippine Army, binigwasan ng BHB sa Quezon
	Araw ng Paggawa: Pagdiriwang, masigla't matagumpay; mensahe ni Arroyo, binatikos
	Mga Pinay, naglunsad ng martsa-rali sa New York
	Mga detalye ng korapsyon ng rehimen
	Arroyo-Cojuangco, patuloy ang sabwatan sa coco levy
	Sa ibayong dagat: Patuloy ang pagsulong ng rebolusyonaryong pakikibaka sa Nepal
	Sa ibayong dagat: Makasaysayang kumperensya sa Bandung, ginunita
	Balita