Laban sa Warrentless Arrest ni Lacson

Read this article in English

Ang Partido Komunista ay kaisa ng malawak na seksyon ng lipunan sa pagkundena sa pasistang panukala ni Hen. Panfilo Lacson na buhaying muli ang ASSO at PDA ng bumagsak na diktadurang US-Marcos. Noong ikalawang linggo ng Pebrero, iginiit ni Hen. Lacson na gawing ligal ang �warrantless arrest� o ang kapangyarihang mang-aresto ng reaksyunaryong militar at pulisya kahit di na dumadaan sa ligal na proseso at pagbasbas ng hukuman.

Isa na naman itong pruweba ng pagsangkalan ng reaksyunaryong rehimeng US-Estrada sa isyu ng kriminalidad at kampanya laban sa kriminalidad para malawakang sikilin ang mga demokratikong karapatan at sa gayo�y ipataw ang mas masahol pang mga patakarang antimasa, antinasyunal at antidemokratiko.

Ang panukala na ito ni Lacson ay isa lamang sa marami nang ipinatutupad na at inihahanda pa ng rehimeng Estrada na mga lantarang pasistang patakaran at mga batas kabilang na ang pagbabawal sa welga, pagbasura sa batas sa minimum na sahod, at iba pa.

Subalit ang mga ito ay sasalubungin ng galit at militanteng pagtutol ng mamamayan. Tiwala ang Partido na ang walang patumanggang pagyurak sa mga karapatang-tao ay lubos na bibiguin ng mamamayang Pilipino.

00 Enero 1999
Edisyong Pilipino

	Editoryal: Patawan ng rebolusyonaryong kaparusahan si Imelda at mga kasapakat ng diktadurang Marcos
	Kontra-rebolusyonaryong digma at pasismo sa kanayunan
	Ang mga pasistang krimen ni Hen. Panfilo Lacson sa Cebu
	Laban sa Warrentless Arrest ni Lacson
	Heneral ng AFP, 2 pang upisyal Inaresto ng BHB
	Sino ang itinuturing na kombatant?
	Rebolusyonaryong kilusan sa Mindanao: Sa landas ng matatag na pagsulong
	Alyansa ng NDF at MILF Pagkakaisa at pagtutulungan laban sa reaksyunaryong kaaway
	Sa ngalan ng batas Pangangamkam ng lupa sa Cagayan Valley
	Mabuhay ang proletaryong internasyunalismo!
	Balita