Matatagumpay na Taktikal na Opensiba
Sa iba�t ibang dako ng bansa...

Read this article in English

Masbate: Tinambangan ng mga Pulang mandirigma ang tropa ng Philippine Air Force sa Barangay Cabrera, Dimasalang, Masbate noong Pebrero 3. Isang sundalo ang napatay at 12 ang sugatan.

Cagayan. Matagumpay na tinambangan ng isang platun ng Bagong Hukbong Bayan-Fortunato Camus Command sa kanlurang Cagayan nitong Pebrero 1 ang mga tropa ng 17th IB at kasama nitong CAFGU. Apat na sundalo at isang elemento ng CAFGU ang napatay habang nasugatan ang tatlo pang sundalo.

Nagpapatrulya ang mga elemento ng Bravo Company sa Sityo Escolta, Barangay Dungan, Rizal nang ambusin sila bandang alas-6 ng umaga. Sumaklolo ang dalawang helikopter ng Philippine Air Force ngunit hindi na nito naabutan ang mga Pulang mandirigma.

Catanduanes. Sinalakay ng isang platun ng BHB ang imbakan at kinumpiska ang matataas na kalibreng baril ni Meyor Armando T. Guerrero ng Gigmoto noong Enero 20. Nasugatan sa reyd ang alkalde.

Ayon kay Theresa Magtanggol, tagapagsalita ng Eduardo Banaag Command-BHB ng Catanduanes, walang planong saktan ang alkalde. Ngunit nagmatigas at nanlaban ito kaya napilitang barilin siya ng BHB upang manyutralisa.

Dating pulis si Meyor Guerrero at pantabing sa pagiging "warlord" niya ay ang kanyang security agency. Ginagamit niya itong panakot hindi lamang sa kanyang mga karibal sa pulitika kundi, higit sa lahat, sa mamamayan. Protektor din siya ng mga sindikato sa iligal na droga sa Catanduanes.

07 Pebrero 2004
Edisyong Pilipino

	Editoryal: Militarisasyon sa Mindoro, militanteng nilalabanan
	Pagtindi ng militarisasyon at mga paglabag sa karapatang-tao
	Mga pagbati sa ika-35 anibersaryo ng Partido Komunista ng Pilipinas
	Matatagumpay na Taktikal na Opensiba Sa iba�t ibang dako ng bansa...
	Patuloy na kumukulo ang disgusto sa loob ng AFP
	Philippine Revolution Web Central Internet: Bagong larangan ng propaganda
	Rehimeng Bush, di na maitanggi na walang WMD sa Iraq
	Balita