Matatagumpay na opensiba ng BHB:
Mga Tampok na Opensiba

Read this article in English

Oktubre 15, Albay: Isang elemento ng CAFGU ang napatay at nasugatan ang dalawang sarhento at isa pang CAFGU nang magkasagupa ang mga nagpapatrulyang tropa ng 201^st Bde at BHB sa Barangay Danao, Polangui.

Oktubre 14, Isabela: Isang sarhento ng 21^st IB ang namatay at isa ang nasugatan nang tambangan sila ng BHB sa Barangay Mabayyad sa hangganan ng mga bayan ng Jones, San Agustin at Echague.

Oktubre 13, Camarines Norte: Nireyd ng Bagong Hukbong Bayan (BHB) ang munisipyo ng San Lorenzo Ruiz, Camarines Norte. Bandang alas 9:45 ng gabi nang sumalakay ang mga Pulang mandirigma. Dalawang pulis ang nasugatan sa labanan. Nasunog din ang dyip ng PNP nang paputukan ito ng grenade launcher.

Oktubre 10, Occidental Mindoro. Dalawang tropa ng 408^th PNP Provincial Mobile Group ang napatay at dalawa pa ang nasugatan nang pasabugan ng bomba ang kanilang sinasakyang dyip sa Sityo Kadilawan, Barangay San Vicente, Abra de Ilog, Occidental Mindoro.

Oktubre 4, Laguna. Apat na tropa ng 1^st IB ng Philippine Army ang napatay nang makasagupa ang isang iskwad ng BHB sa Sapang Bomba sa hangganan ng Cavinti, Laguna at Mauban, Quezon. Ginagalugad ng isang platun ng militar ang masukal na bahagi ng hangganan ng Laguna at Quezon nang mamataan sila ng mga Pulang mandirigma. Kaagad silang pinaputukan ng BHB.

Apat ang napatay at marami pang sundalo ang nasugatan. Itinago ng reaksyunaryong militar ang engkwentrong ito, at sa halip, ipinagyayabang ni Col. Daniel Lucero, tagapagsalita ng AFP, na nakaagaw sila ng isang kampo ng BHB sa Barangay Calminaue, Cavinti, Laguna. Ngunit nasaksihan mismo ng mga taong nakatira sa paligid ng lawa ng Caliraya, na malapit sa lugar ng engkwentro, nang dalhin ng isang helikopter ang mga patay at sugatang sundalo sa hedkwarters ng 1^st IB sa Kanlurang Talaungan, Cavinti.

21 Oktubre 2003
Edisyong Pilipino

	Editoryal: Hepeng imperyalista at terorista, itinakwil ng sambayanang Pilipino
	Nagliliyab na mga protesta, sumalubong kay Bush
	Bilateral na kasunduan, niluluto nina Bush at GMA
	Mga Ulat Koresponsal: Mga aral at tagumpay sa pakikibakang agraryo sa Isabela
	Mga Ulat Koresponsal: Bigo ang �Orgullo� Brigade sa Bicol
	Mga Ulat Koresponsal: Pagtutol ng mamamayan sa SOT sa Cordillera
	Mga Ulat Koresponsal: Ang kwento sa likod ng reyd sa Oras, Eastern Samar
	Usapang pangkapayapaan ng NDF at GRP, muling bubuksan
	Dalawang bagong aklat ni Ka Joema, inilunsad
	Tangkang ekstorsyon ng Malakanyang, ibinunyag ng Fraport
	Matatagumpay na opensiba ng BHB: Mga Tampok na Opensiba
	Balita