KS: Arestuhin ang mga alipures ng diktador

Kinokondena ng Partido Komunista ng Pilipinas at Bagong Hukbong Bayan ang intensyon ng papasok na rehimeng Estrada na bigyang-dangal sa pamamagitan ng upisyal na libing ang kinamumuhiang diktador na si Marcos. Ito ay mariing sampal sa sambayanang labis na pinahirapan at inapi ng pasistang diktadurang Marcos, laluna sa libu-libong biktima ng mga pag-abuso sa karapatang-tao, na napakatagal nang humihiyaw ng katarungan pero patuloy na pinagkakaitan.

Matagal nang inabandona ng reaksyunaryong gubyerno sa Maynila ang paghahanap ng katarungan para sa mga biktima ng kinamumuhiang pasistang diktadurang Marcos. Pero lumilitaw na nais pang higitan ng papasok na rehimeng Estrada ang kriminal na kapabayaan ng nakaraang dalawang administrasyon. Hindi lamang nito gustong ilibing sa limot nang walang pagtutuwid ang mga krimen at kahayupan ng pasistang diktadura. Gusto rin nitong ipwesto sa sentro ng kapangyarihan at pribilehiyo ang mga ayaw magsisisi at ayaw managot na mga kamag-anak at alipures ng yumaong pasistang diktador.

Sa harap ng ganitong matagal at nagpapatuloy na paglapastangan sa katarungan, inihahayag ng Partido Komunista ng Pilipinas at Bagong Hukbong Bayan ang matatag na determinasyong papanagutin ang mga kamaganak at alipures ng pasistang diktador sa kanilang mga krimen sa bayan.

Alinsunod rito, ang Bagong Hukbong Bayan ay inaatasan ng Komite Sentral ng Partido na magbuo ng mga ispesyal na yunit at magsagawa ng mga operasyon upang arestuhin ang mga kamag-anak ni Marcos, laluna si Imelda Marcos at Ferdinand Marcos Jr., gayundin ang iba pang pangunahing alipures ng yumaong diktador para obligahin silang humarap sa hustisya ng bayan at managot sa kanilang malalaking krimen sa bayan.

00 Abril 1998
Edisyong Pilipino

	Editoryal: Erap Kontra Mahirap
	Mula sa tagapaglathala: Bagong kapasyahang muling ilathala ang Ang Bayan
	Ang pagbabalik ng mga Marcos sa poder
	KS: Arestuhin ang mga alipures ng diktador
	Rebolusyonaryong Kilusan sa Gitnang Luzon Pagbangon at Pagpapanibagong-Lakas
	Nueva Ecija: Matingkad na Pagsulong
	Tungkol sa mga Buladas ng Triong Magdangal-Bill-Olive
	Hambalos ng "Globalisasyon" at Krisis sa Manggagawang Pilipino
	Rebolusyonaryong Kilusang Lihim sa Pabrika, Sumusulong
	25 Taong Tagumpay sa Rebolusyonaryong Nagkakaisang Prente
	Paggalang sa karapatang-Tao: Integral sa kondukta ng digmang-bayan
	Balita