Mga Ulat Koresponsal:
Ikalawang Kumperensya sa Gawaing Masa sa Southern Tagalog, matagumpay na idinaos

Read this article in English

Isa na namang malaking tala sa kasaysayan ng rebolusyonaryong kilusan sa Southern Tagalog ang ginanap na Ikalawang Kumperensya Hinggil sa Pagsusulong ng Gawaing Masa sa Kanayunan nitong Agosto. Isa itong malaking tagumpay sa kalagayang nailunsad ito sa gitna ng pinatitinding kampanya ng terorismong militar sa kanayunan ng rehiyon. Ayon sa isang kasama, �malaking dagok ang kumperensyang ito sa kaaway na nagtatangkang papanghinain ang lakas na inabot ng rebolusyonaryong kilusan at ng baseng masa nito.�

Inilatag sa kumperensya ang kasalukuyang kalagayan ng masang magsasaka at ang inabot na antas ng pagmumulat, pagpapakilos at pag-oorganisa sa kanilang hanay sa paraang hayag at lihim. Dito�y malinaw na tinukoy ang tumitinding kalagayan ng mga magsasaka at ang nararanasan nilang lalong lumulubhang anyo ng pagsasamantalang pyudal at malapyudal. Ang kalagayang ito ay itinutulak ng pagtatangka ng mga panginoong maylupa, komersyante-usurero at malalaking korporasyong lokal at dayuhan na muling ikonsentra ang lupa sa kanilang mga kamay.

Dahil sa mga kaso ng pangangamkam ng lupa, dumarami ang mga kaso ng pagpapalayas at lumalaki ang bilang ng mga mala-proletaryado sa kanayunan. Subalit hindi binago ng pagsibol ng kalagayang ito ang umiiral na moda ng produksyon. Bagkus, ibayo lamang nitong pinatindi ang pyudal at malapyudal na pagsasamantala.

Muling pinagtibay ng mga pag-aaral sa moda ng produksyon sa iba�t ibang linya ng pananim tulad ng niyog, palay, tubo at kape at sa sektor ng pangisdaan ang pagsusuri ng Partido sa naghaharing pyudal at malapyudal na sistema at ang linya ng demokratikong rebolusyon ng bayan. Pinagkaisa rin ang buong rebolusyonaryong kilusan sa rehiyon sa patakaran ng nasyunalisasyon ng lahat ng lupaing panginoong maylupa, burgesya kumprador at imperyalista sa kanayunan.

Tinukoy sa kumperensya ang mga suliraning kinakaharap ng mga rebolusyonaryong pwersa sa gawaing pagkokonsolida ng baseng masa. Tinumbok ng mga talakayan ang iba�t ibang anyo ng konserbatismo sa paglulunsad ng gawaing masa na nagsisilbing malaking balakid sa konsolidasyon ng base at pagsusulong ng rebolusyong agraryo. Malayo na sa nakaraan ang inabot na paglakas ng kilusang masa sa hayag man o lihim. Hindi pa lamang ito gaanong natutugunan ng solidong pag-oorganisa bunga ng konserbatibong mga pananaw at pamamaraan sa gawaing masa. Naging daluyan ang kumperensya upang lagumin ang mga karanasan ng bawat prubinsya at tukuyin ang mga kahinaang pumipigil sa konsolidasyon ng baseng masa ng rebolusyon.

Naging mabunga ang mga pagbabahaginan ng mga aral na hinango kapwa sa mga positibo at negatibong karanasan sa proseso ng paglulunsad ng gawaing masa. Naging hamon sa bawat isa kung paano mapagpasyang gigibain ang pader ng konserbatismo upang ibayo pang sumulong ang rebolusyonaryong gawain sa kanayunan.

Sa kasalukuyan, isang napakalaking tungkulin ng Bagong Hukbong Bayan sa rehiyon ang paglutas sa bara ng konserbatismo sa gawaing masa sa panahong nakalukob sa kanayunan ang terorismo ng estado at ang nagbabantang armadong panghihimasok ng imperyalismong US. Iniinda ng estado ang dramatikong pagsulong ng rebolusyon sa rehiyon kaya lahat ng paraan ay ginagawa nito upang wasakin ang Pulang kapangyarihan ng demokratikong gubyernong bayan.

Hinahamon ng ganitong kalagayan ang mga rebolusyonaryong pwersa upang magsikhay sa pagkokonsolida sa baseng masa ng rebolusyon. Isang malaking tungkulin ngayon ang pagpapalakas ng rebolusyonaryong kilusang masa at pagpapasigla ng kilusang antipyudal at antipasista sa kanayunan. Kailangang maglunsad ng malalaking taktikal na opensiba upang pagbayarin nang mahal ang kaaway sa pananalasa nito sa baseng masa.

Hinahamon din ng kasalukuyang kalagayan ang mga rebolusyonaryong pwersa na maging mapanlikha sa mga paraan sa pag-oorganisa at pagpapakilos sa masa. Nilampasan na ng kasalukuyang kalagayan ang ilang lipas at nakagawian nang paraan ng pagkilos.

Sa pagtatapos ng kumperensya, bitbit ng mga kasama ang mga aral at hamon kung papaano ibayong pasisiglahin ang gawaing masa at itatayo ang mga moog ng rebolusyon sa kanayunan. Patunay ang lahat ng ito na �ang malawak na kanayunan ay malaking paaralan upang patuloy na matuto at mag-aral.�

21 Nobyembre 2003
Edisyong Pilipino

	Editoryal: Mga desperadong pakana ng rehimeng Arroyo para makapanatili sa poder
	Danding Cojuangco, kinasuhan ng mga magniniyog
	Mga Ulat Koresponsal: Ikalawang Kumperensya sa Gawaing Masa sa Southern Tagalog, matagumpay na idinaos
	Mga Ulat Koresponsal: Mga lumalaganap na anyo ng pagsasamantala sa kanayunan ng Southern Tagalog
	Mga Ulat Koresponsal: Gawaing pangkultura ng BHB Mabisang sandata ng rebolusyon
	Mga Ulat Koresponsal: Kontra-magsasakang Hybrid Commercialization Program, binatikos
	Sa Ibayong Dagat: Okupasyon sa Iraq, bumibigat na pasanin ng rehimeng Bush
	Balita