Mga rali at welga sa Nobyembre 16:
Patuloy na pag-igting ng pakikibaka para sa P125 dagdag sa sahod

Read this article in English

Ilulunsad sa Nobyembre 16 ang malawakang mga pagkilos, mga welga sa industriya at transportasyon na pangungunahan ng mga militanteng organisasyon ng mga manggagawa upang igiit ang makatarungang P125 dagdag sa arawang sahod. Tanda ito ng lumalawak na paglaban ng mga manggagawa sa harap ng patuloy na pagdausdos ng antas ng kabuhayan ng mga anakpawis at patuloy na pambubusabos ng rehimeng US-Estrada.

Noong Oktubre 13, mahigit 15,000 ang nagrali sa Mendiola upang igiit ang mga kahilingan ng mga manggagawa.

Ilang araw pagkalipas, iniutos ng rehimeng USEstrada at ng mga regional wage board ang pagtataas nang P20-25 bawat araw sa minimum na sahod ng mga manggagawa. Noong Oktubre 15, inihayag ang P25.50 dagdag sa Metro Manila, halagang mumo kung ihahambing sa kinakailangang karagdagan upang makaagapay ang sahod ng mga manggagawa sa mabilis na tumataas na halaga ng arawang pangangailangan.

Marapat na ibinasura ng mga manggagawa ang pampalubag-loob na dagdag sa sahod. Sa mga nakaraang taon, napakabilis na bumulusok ng kabuhayan ng mga manggagawa bunga ng patuloy na paglala ng krisis sa ekonomya. Kayat signipikanteng pagtataas sa sahod ang kinakailangan upang makabuluhang maiahon ang kabuhayan ng mga manggagawa mula sa kinasasadlakang burak ng kahirapan.

Sama-sama at militanteng pagkilos ng mga manggagawa at ng sambayanang Pilipino ang kailangan upang epektibong maigiit ito sa harap ng pagmamatigas ng rehimeng US-Estrada sa patakaran nitong panatilihing mababa ang sahod ng mga manggagawa.

00 Setyembre 1999
Edisyong Pilipino

	Editoryal: Lumalawak at lumalakas ang militanteng pakikibaka ng mga manggagawa
	Ang Bayan, sa internet
	Mga rali at welga sa Nobyembre 16: Patuloy na pag-igting ng pakikibaka para sa P125 dagdag sa sahod
	Deregulasyon sa industriya ng langis Sabwatan ng mga imperyalista, mga kartel ng langis at ng reaksyunaryong gubyerno
	Liham mula sa Rehiyong Ilokos-Kordilyera
	Ang usapin ng sesesyon at karapatan sa pagpapasya-sa-sarili ng mamamayang Moro
	Ika-50 taong anibersaryo ng tagumpay ng demokratikong rebolusyon sa Tsina
	Sa ika-50 taong anibersaryo ng tagumpay ng demokratikong rebolusyon sa Tsina Ang busabos na kalagayan ng mga manggagawa sa Tsina
	Sa ika-50 taong anibersaryo ng tagumpay ng demokratikong rebolusyon sa Tsina Ang sosyalistang transpormasyon ng kanayunan at pagbabaligtad nito
	Binabati ng mamamayang Pilipino ang mamamayan ng East Timor at tinutuligsa ang mga atake laban sa kanila ng mga pasistang Indones
	Hudyat sa ibayong pagsulong ng antipyudal na pakikibaka sa Timog Katagalugan Panimulang tagumpay sa pagpawi ng resikada
	Patuloy na paglulunsad ng mga taktikal na opensiba ng BHB-Bikol
	Balita